İşğal etilgen Qırımda yerli ealine qarşı basqılar devam etmekteler. İşğal akimiyeti, tutıp aluvlar, cinaiy işlerniñ sahtelenüvini ve "devlet hainligi", "terorizm", ve rusiye arbiyleriniñ "itibardan tüşürüvine" dair qattı ükümlerniñ alıp çıqarılmasını devam ete. Adamlarnı Ukrainağa qol tutuvı, içtimaiy ağlarda tefsirler ve rusiye akimiyetinen "ekstremist" dep sayılğan apansız yazuvlar içün bile cezalandıralar.
Suspilne Qırım, keçken afta içinde yarımada sakinlerine alıp çıqarılğan qanunsız tutıp aluvlar ve ükümleriniñ sırasını azırlağan.
Keriç: "devlet hainligi" içün tutıp aluvı
İşğalciler 29 yaşında olğan Keriç sakininiñ "devlet hainliginde" şübesi içün tutıp aluvı aqqında bildirdiler. Erkekni, sanki dersin kritik astâpı aqqında malümatnı ukrain mahsus hızmetlerine alıp bergeninde qabaatlaylar.
"Tutıp alınğanı,Ukraina Mudafaa nazirliginiñ İstihbaratınıñ Baş idaresiniñ hadiminen şahsiy bağını qurıp idarecisiniñ vazifesine köre duşmanğa malümatlarnıñ toplap alıp berilmesini keçirgen", – bildirdiler işğal FTH-de.
Ukrain mahsus hızmetleri vaziyetni tefsir etmegenler.
Yalta: "Tsarövnı öldürmege ıntıluvı" içün 24 yıl
Rostov-na-Donudaki işğal makemesi, Yalta sakinini "devlet hainligi, terorizm ve patlayıcı maddelerniñ qanunsız qullanuvı içün 24 yılğa makeme etken.
Tahqiqatnıñ versiyasına köre, erkek sanki dersin ukrain istihbaratı içün malümatnı toplap şimdi Qırımda yaşağan Ukraina sabıq halq deputatı Oleg Tsarövğa suiqas etüvinde iştirak etmege razı olğan.
Makeme, tevqif etüviniñ ilk beş yılnı apishanede, qalğan müddetini ise – qattı nizamlı müstemlekesinde tayin etken. Daa erkekni 800 biñ rublege (240 biñ grivna) cezalandılar.
Sevastopol: evni patlamağa ıntıluvı içün 17 yıl
Rostov-na-Donudaki işğal makemesi, 30 yaşında olğan Sevastopol (Aqyar) sakinini rusiye arbiy hızmetçiniñ mesken evini patlamağa ıntıluvı içün qattı nizamlı müstemlekesinde 17 yılğa makeme etken.
"Apis etilgeni, ukrain istihbaratınıñ vazifesine köre areket etip evdeki gaz borusında patlav aletini tayin etmege tırışqan edi", – denile işğalcilerniñ beyanatında.
İlk üç yıl erkek apishanede keçirecek, qalğan müddetini ise – qattı nizamlı müstemlekesinde. Bundan da ğayrı, oña 300 biñ ruble (141,5 biñ grn) para cezasını yazdılar.
Canköy: "casuslıq" içün cinaiy davası
İşğal prokuraturası, rusiye arbiy obktleri aqqında malümatnıñ toplamasında qabaatlanılğan Canköy sakinine dava açqan.
"Tahqiqatnıñ versiyasına köre, 2022 senesi erkek, Ukrainanıñ nezareti astında olğan territoriyasına çıqıp anda ukrain mahsus hızmetlernen bağnı qurğan eken", – haber eteler işğalciler.
Davanı Qırımnıñ "yuqarı makemesine" alıp bergenler
Aluşta: qırımlını Ukrainağa qol tutuvı içün tutıp alğanlar
Aluştada şahsiy ukrain zümrelerde USQ-ne destegini bildirgen qadınnı tutıp aldılar.
İşğalciler onı "RF territorial bütünliginiñ inkâr etüvinde" qabaatlap dava malümatlarnı "makemege" alıp bergenler.
Propagandacılıq medialar videonı yayınladılar. Anda qadın közyaş tokip öz sözler içün peşman ete. Rusiye quvetçiler tutıp alınğanlarnı böyle videolarını yazmağa mecbur etip sıq azaplar ve ruhiy basqılarnı qullanğanları malüm.
Qırım: qırım tatarını içtimaiy ağlarda haberlerniñ paylaşuvı içün tutıp aldılar
İşğal etilgen Qırımda makeme, Fevziye Yahâyevanı Gamburgtaki ukrainlerine qol tutuvı aqqında haberlerniñ paylaşuvı ile "yasaq etilgen timsalâtınıñ" kösterüvinde qabaatlı olğanını tanığan.
Qabaatlav içün esası, videodada olğan "Ukrainağa şan-şeref" yazısınen plakatı olğan. Bu ibareni işğalciler 2023 senesi yasaq etilgen timsalâtınıñ cedveline kirsetkenler. Makemede Yahâyeva, onıñ saifeni bozıp açqanlar buna köre, bu yazığa onını alâqası olmağanı dep bildirdi.
"Amma makeme qararına binayen makeme tarafından onıñ arizasına qıymet kesilgeni ya da neşir etüvine onıñ alâqasını isbatlağan delillerniñ baquvı da körünmey. Dava, şablonğa köre baqılğan – protokol, ekspert, tevqif yerine para cezası içün qabaatnıñ qabul etüvi", – bildirdiler "Tribunal. Qırım levhası" uquq qoruyıcı teşebbüsiniñ talilcileri.
İşğalciler herson faali İrına Ğorobtsevanı Simferopoldeki tahqiqat tevqifhanesine alıp çıqarğan.
Telegram, WhatsApp ve Facebookta Suspilne Qırım haberlerine abune oluñız
