"Ateş" arbiy-partizan areketi saban ayınıñ 9-dan 12-ne keçer gecesi işğal etilgen Qırımda logistikağa zarar ketirmek maqsadınen muvafaqiyetli diversiya yapqanını bildire.
Areket öz Telegram kanalında saban ayınıñ 12-nde bunı bildirdi.
Partizanlarnıñ aytqanına köre, saban ayınıñ 9-nda gece Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) civarındaki demiryolında patlavlar, tren taqımı kelmezden evel olıp keçti, bu da "işğalcilerniñ logistiqasına büyük zarar ketirdi". "Ateş" ayrıca, diverssiya yapılğan yerniñ koordinatlarını berdi: 44.547194, 33.606139.
"Bu gece duşman logistika bölügine daa bir ücüm yaptırdıq, lâkin hadimlerimizniñ havfsızlığı içün areket tafsilâtlarını şimdilik aydınlatmaymız. Yürüşni ğayrıdan tiklemek içün vaqıt kerek olacaq, ve Rusiye orduları ög saflarında kene silâ qıtlığınen qarşılaşacaq", — dep areket koordinatorları qayd ettiler.
Daa evel "Ateş" saban ayınıñ 9-nda gece Qırımnıñ Canköy rayonınıñ Stolbove köyü yanında yüz bergen diversiya aqqında haber etti. O vaqıt olar böyle etip yarımadadan Zaporijjâ vilâyetiniñ işğal etilgen qısmına yaqarlıqnıñ keçirilmesine keder etkenlerini qayd ettiler.
Telegram, WhatsApp ve Facebookta Susplne Qırım haberlerine abune oluñız
