Devlet taqiqat bürosı Qırımnıñ eki sabıq prokurorına devlet hainligiUkraina CQniñ 111-nci maddesiniñ 1-nci qısmınde şübeli sayılğanını bildirdi. Yarımada işğal etilgen soñ olar Rusiye tarafını tuttılar ve qırımtatar faalcilerini taqip etmege yardım etti. Olar 15 yılğa qadar apis cezasını ala bileler.
DTBnıñ Melitopol vilâyetindeki bölügi bu aqqında haber etti.
DTB, 2014 senesi yarımada işğal etilgen soñ işğalciler içün çalışmağa devam etken Qırım Muhtar Cumhuriyetiniñ eki sabıq prokurorını şübeli olaraq tanıdı. Olar "Qırım prokurorlığı"nda vazifelerni alıp, işğalli sistemanıñ bir qısmı oldılar.
Eki sabıq prokuror da işğalli "taqiqat eyyeti"niñ faaliyetini nezaret etken bölükte çalışa ediler. Olar Rusiye akimiyetiniñ emirlerini yerine ketirip, qırımtatarlar ve ukrain tarafdarları olğan faalcilerge qarşı repressiyalarda iştirak ete ediler.
Olardan biri Meclis reisiniñ muavini Nariman Celâl, faalciler Asan ve Aziz Ahmetov ve ATR telekanalınıñ saibi Lenur İslâmovğa qarşı davalarda qabaatlavnı şahsen destekley edi.
Ekincisi, advokatlarnıñ aytqanlarına köre, siyasiy davalarda, hususan Meclis reisiniñ muavini İlmi Umerovnıñ davalarında, işğalcilerge qol tutmaq içün imayege basqı yaptı.
Sabıq prokurorlarnı devlet hainliginde qabaatlaylar. Eger olar qabaatlı tanılsalar, 15 yılğa qadar azatlıqtan marum etile ve mal-mülklerini coya bilirler.
Telegram, WhatsApp ve Facebookta Suspilne Qırım haberlerine abune oluñız
