Kiçik aynıñ 27-nde Odesadan "heytspiç" taqımı 11 yıldır devam etken Qırım işğaline tirenüvge qol tutmaq içün "Ğolos" yırını taqdim etti. Bundan da ğayrı, çalğı taqımı kiçik aynıñ 28-nde Kıyivde qırımtatar rejissörı Ahtem Seitablayevniñ klipini kösterip, hayriye kontsertinde bu yırnen çıqışta bulunmağa planlaştıra.
Bu yırnı striming platformalarında baqmaq mümkün.
"Yır ve klipiniñ esası, Rusiye tarafından Yevpatoriyadaki (Qırım MC) işğalli memuriyetke mavı-sarı boya tökken ve 2022 senesi mayıs ayında Buçadaki ruslarnıñ amansızlıqları aqqında haberge narazılıq olaraq, yanıcı malzemenen şişeni atqan Qırım zemaneviy dissident-sanatkârı ve rusiye tarafından 15 yıllıq apis cezasına maküm etilgen Boğdan Zizanıñ ikâyesidir", — dep taqım öz YouTube kanalında videonıñ altında qayd etti.
Hayriye kontserti Kıyivniñ Atlas kontsert-zalında, Siçovskıh Striltsiv soqağı, 37-41 adresinde keçecek.
"Heytspiç, Krıhitka, FAHOT (TNMK), Tonka, provulok ve 18school artistleri, yarımadanen öz tecribe ve ikâyelerine dalıp, bir sanada serbest Qırım ve onıñ sakinleriniñ tirenüvine qol tutuv aqqında hatıralarnı yaratacaq", — dep biletler saytında qayd etildi.
Tedbirge biletlerniñ fiyatı 500 ğrıvnâdan başlana. Biletlerden ve mezattan elde etilecek bütün paralar prezidentniñ Qırım Muhtar Cumhuriyetindeki temsilciligi ve "Povernıs jıvım" hayriye fondunıñ 3,2 mln ğrıvnâğa "Pivden" ava komandanlığı içün REBRadioelektron küreş ve RERRadioelektron ve radiotehnikiy istihbarat vastaları içün umumiy toplanmasına ketecek.
Telegram, WhatsApp ve Facebookta Suspilne Qırım haberlerine abune oluñız
