"Ateş" arbiy-partizan areketi iddia etkeni kibi, Qırımda ve başqa vaqtınca işğal etilgen territoriyalarında rusiye işğalciler telükesizliginiñ quvetleştirilgen tedbirlerniñ kirsetüvi aqqında emirini aldılar. O, "Vatan imayeciler künü" ve Ukrainağa RF-nıñ büyük miqyaslı ücüminiñ başlanuvınıñ yıllığınen bağlı.
Bunıñ aqqında partizan areketi öz Telegram-kanalında yazğan.
Anda qayd etttiler ki, rusiye işğalcilerniñ arbiy bölüginde arbiyler "quru qanunna" riayet etsinler dep sert tarzda nezaret etmege emiri kelgen. Bundan da ğayrı, ariylerge bölüginiñ tışında urbanı kiymege yasaq ve mesken noqtalarda tek grajdan urbada yürmege emir etilgen.
"Belki de böyle qarar, Ukrainanıñ Mudafaa quvetleriniñ uruşları ögünde ve partizanlarnıñ faaliyetinden qorqusı ile yazdırılğan. Teraktlar olsa, işğalciler ukrain yerastı gizlilikni qabaatlap bunı öz propagandasında qullanmaq içün bu künni qullana bilgenleri aqqında ihtar etemiz", – denile beyanatta.
Telegram, WhatsApp ve Facebookta Suspilne Qırım haberlerine abune oluñız
