Qırım sanayı siyaseti naziriniñ muavini duşmannen işdeşlik faaliyetiUkraina CQniñ 111-1. maddesiniñ 5-nci qısmınde qabaatlanıp, yedi yılğa apis cezasına mahüm etilip, mülkü alındı.
Facebookta Qırım Muhtar Cumhuriyetindeki UHHnıñ Baş idaresi bunı bildirdi.
Taqiqatnıñ malümatına köre, memur işğal etilgen yarımadada Rusiye arbiy-sanayı kompleksiniñ işini tertip ete edi. 2014 senesine qadar Qırımdaki Ukraina iqtisadiy inkişaf ve ticaret nazirliginde çalıştı, soñra duşmanlarğa qol tuttı ve 2022 senesi berim ayında "nazirniñ muavini" vazifesini alğan sanayı siyaseti nazirligine keçti.
"2023 senesi o, "arbiy sanayı hadimleri içün arbiy mahsuslarnı deñiştirüvnen oğraşqan iş gruppasınıñ" erkânına kirdi. Bundan da ğayrı, o, ücüm dronları içün yedeklerniñ istisalını başlağan edi", — dep aytıla haberde.
Ukraina havfsızlıq hızmetiniñ bildirgenine köre, qadın vaqtınca işğal etilgen topraqlarda bulunğanı içün, onı mesüliyetke çekmek içün tedbirler alıp barıla.
Telegram, WhatsApp ve Facebookta Suspilne Qırım haberlerine abune oluñız
