Qırımda Ukraina Telükesizlik hızmetiniñ (UTH) sabıq reberi Oleg Küliniç, ülkeniñ mudafaa qabiliyeti aqqında pek müim gizli vesiqalarına kirip ola edi. Bu sebepten o, rusiye Federal telükesizlik hızmetiniñ (FTH) eñ qıymetli agenti edi.
Bunıñ aqqında The Times britaniyalı neşriyatınıñ tahqiqatında denile.
Malümatta şusı qayd etile ki, vazifede bulunaraq, Küliniç, 2020 ve 2021 seneleri Qırımdaki istihbarat faaliyetini aman-aman yoq etken.
"2021 senesi çiçek ayında o, Herson vilâyetinde Ukrainanıñ mudafaasında zayif yerleriniñ belli etilmesi içün qullanılğan terrorizmge qarşı miqyaslı ögrenüvlerni teşebbüs etken. Ücüminiñ ilk saatlarda vilâyette aqiqiy vaziyeti aqqında UTH başını haberdar etmege er bir fırsatını muasara etken edi, em de – UTH hadimleriniñ musadere etken", – denile malümatta.
Umumen tintüvler ve teşkerüvler vaqtında uquq qoruyıcılar foto ve videolarnı taptılar, anda şübelengen şahıs, Ukrainada rusiye istihbaratçılarnıñ ağnıñ reberi Volodımır Sivkoviçnen çetelde raatlana.
Oleh Kuliniç aqqında ne bilemiz
2022 senesi oraq ayınıñ 17-sinde UTH ve DTB, Qırımdaki UTHniñ eski başı Oleh Kuliniçni tuttılar.
Uquq qorçalayıcılarnıñ bilgilerine köre, eñ az 2019 senesiden başlap Oleh Kuliniç ruslarnen çalışqan edi. RF Federak telükesizlik hızmetiniñ işçileri onen işdeşlik yaptılar, onıñ lâğabı "Kotığoroşko" edi.
Kuliniçke devlet hainliginde (Ukraina CQniñ 111. maddesiniñ 1. qısmı) ve cinaiy teşkilâtnı yaratmaqta (Ukraina CQniñ 255. maddesiniñ 3. qısmı) şübe bildirdiler. Onı 15 senege maküm ete bilirler.
Telegram, WhatsApp ve Facebookta Suspilne Qırım haberlerine abune oluñız
