İlk qış ayınıñ 15-nde "Volgoneft" tankerleriniñ qazası neticesinde deñiz müitine tüşken mazut işğal etilgen Qırımnıñ ğarbiy yalısınıñ yalı boyu zonalarına kele. 2025 senesi qara qış ayınıñ 8-ne qadar UkrNTSEMUkraina deñiz ekologiyasınıñ ilmiy merkeziniñ tahminlerine köre, Odesa vilâyetiniñ yalısı mazutnen kirlenüv telükesi tışında buluna ve şimdilik onıñ kirlenüvi içün şartlar yoq.
Ukraina etraftaki müit qoruvı ve tabiat resursları nazirligi qara qış ayınıñ 9-nda Telegramda bunı bildirdi.
Qayd etilgenine köre, Sentinel-1niñ soñki yoldaş resimlerine köre, işğal etilgen Qırımnıñ cenübiy ve cenübiy-ğarbiy yalısı boyunca mazut tarqaluvı tasdıqlandı. Qırımnıñ Sevastopol (AqyarRusiye imperiyası ve Soviet Birligi tarafından Qırımnıñ meskün yerleriniñ adlarını deñiştirüv islâatından evelki ad) ve Qaça şeerleri rayonlarında 15 km-ge qadar uzunlıqta mazut lekeleri qayd etildi, Qara deñiz suvlarınıñ umumiy kirlenüv meydanlığı ise 1000 km² qadar oldı.
Aynı zamanda, Kavkaz yalısınıñ, hususan Panagiya burnundan Anapağa qadar, kirlenüvi devam ete.
2025 senesi qara qış ayınıñ 8-ne qadar tahminlerge köre, Odesa vilâyetiniñ yalısı mazutnen kirlenüv telükesi tışında buluna ve şimdilik onıñ kirlenüvi içün şartlar yoq.
Bundan ğayrı, Ukraina Devlet ekologik inspektsiyası Odesa ve Mıkolayiv VAMe suvlar ve yalı boyu muhtemel mazutnen kirlenüvini yoq etmek içün tedbirlerni planlaştırmaq içün TEBTopraq cemiyetiniñ tehnologik-ekologik telükesizlik ve fevqulâde vaziyetler meseleleri boyunca eyyeti ve Milliy Şura eyyetleriniñ nevbetten tış toplaşuvlarını çağırmaq muracaatını berdi.
Hatırlatamız ki, Keriç boğazı yanındaki neft mahsulatları tökülgeni sebebinden Ukraina halqara makeme müessiselerine, hususan BMniñ Halqara makemesine, Rusiyege qarşı BMniñ deñiz uquqı boyunca konventsiyasınıñ bozuluvı içün muracaat etmege planlaştıra.
Bundan da ğayrı, mazut lekeleri Qara deñizniñ aqımına köre yavaş-yavaş areket ete. Ava şaraiti ve yel yönelişleri baqılsa, neft mahsulatı Odesanıñ yalısına qara qış ayınıñ ortasına qadar kele bilir, dep ''Yeşil yapraq'' CTniñ başı ve ayatiyaçtısı Vladıslav Balinskıy ayttı.
Keriç boğazındaki qaza aqqında ne bilemiz
İlk qış aynıñ 15-nde Keriç boğazı yanında "Volgoneft 212" ve "Volgoneft 239" eki rusiye gemisi batmağa başlağan. Bir geminiñ kenarında ekipajnıñ 13 azası bulunğan edi, başqasınıñ kenarında ise – 14.
Evelden, vaqia sebebi furtuna ya da yaramay avası içün tankerlerniñ bozuluvı olğan. İlk qış aynıñ 15-ine qadar işğal etilgen Qırımda şiddetli yel sebebinden furtuna ihtarını bildirdiler.
Qaza neticesinde ekipajnıñ bir azası elâk olğan. Başqaları artqaç suvumasınen hastahanege yatqızdırılğanlar.
Eki rusiye tankeriniñ qazası, mazutnıñ 4 biñden ziyade tonnasınıñ tokülüvine alıp ketirgen. Greenpeace iddia etkeni kibi, o, ekologiya içün ciddiy aqibetlerini peyda ettirebile.
Qaradeñiz strategik tedqiqatlar institutınıñ reberi Andriy Klımenko qayd etkeni kibi, gemiler deñizge çıqmağa azır degiller, çünki özen soylarından, em de eski olalar – 1951 ve 1955 çıqış yılları.
Ukraina Arbiy-deñiz quvetleriniñ spikeri Dmıtro Pletentçuk bildirdi ki, bu eki tanker, kerçekten arbiy sınıf gemileri, deñizge gemilerniñ areket qaidelerine riayet etmeden çıqtı.
İlk qış ayınıñ 16-nda Rusiye Fevqulâde vaziyetler nazirligi "Volgoneft 239" tankeriniñ erkânı tahliye etilgenini bildirdi.
Etraftaki müit nazirligi, ilk qış ayınıñ 15-nde "Volgoneft-212" ve "Volgoneft-239" Rusiye tankerleriniñ qazası neticesinde çıqqan mazutnıñ Qara deñiz ekosisteması içün "felâketli aqibetleri" ola bilecegini bildirdi.
"Yeşil mektüp" cemaat teşkilâtınıñ yolbaşçısı, biolog Vladıslav Balinskıy Suspilne Qırımğa izaat bergende bu qazanı "asırnıñ eñ büyük ekologik felâketi" dep adlandırdı.
İlk qış ayınıñ 17-nde Qara deñizdeki Kavkaz limanı rayonında "Volgoneft-109" tankeriniñ kapitanı yük tanklarından biriniñ sızıqsızlığı sebebinden felâket signalını berdi. Bu endi üçünci kere "Volgoneft" tankerleriniñ mazut taşımasıdır.
İlk qış ayınıñ 19-nda ekipaj azasınıñ ölümine ketirgen "Volgoneft-212" tankeriniñ kapitanı eki ayğa - kiçik aynıñ 17-ne qadar apiske alındı. "Volganeft-239" gemisiniñ kapitanı ise ev apsinde tutıldı.
İlk qış ayınıñ 20-nde Greenpeace, Anapadan Qırım köprüne qadar 65 km2 suv, batqan "Volgoneft" tankerlerinden birisinden aqqan mazutnen kirlengenini bildirdi. Etraftaki müit qorçalayıcıları felâketniñ miqyası daa büyük ola bilecegini tenbileyler.
İlk qış ayınıñ 20-nde Keriç boğazında Gvineya-Bisaunıñ gemisi astında yaldap ketken "Gam Express" felâket signalını berip, yardım içün muracaat etti.
İlk qış ayınıñ 21-nde Keriçniñ işğalli akimiyeti şeer plâjlarında mazut tapılğanı içün belediye fevqulâde vaziyetini ilân etti.
Telegram, WhatsApp ve Facebookta Suspilne Qırım haberlerine abune oluñız
