Qırım siyasiy mabüsi, sportçı ve iş adamı Murat Kadırov Rusiyeniñ Arhangelsk vilâyetindeki Korâjma şeeriniñ 5-nci apishanesinde aqlarınıñ bozuluvı ve memuriyetniñ basqısınen yüzleşe. İşğalciler onı "terrorizm" sebebinden 10 senege maküm ettiler.
Boş aynıñ 7-nde Qırımtatar maaliy merkezi bunı bildirdi.
Kremlniñ mabüsiniñ ciddiy sağlıq meseleleri, şu cümleden osteohondroz bar. Amma o, müstemlekede çalışmağa mecbur. Sport yaraları onıñ vaziyetini bayağı beter ete. Çalışmaqtan vazgeçüv "çuqur"ğa qoyulmaqnen cezalana. Siyasiy mabüsniñ bütün ilâcları da alındı.
17 adam kamerada buluna. Daimiy basqı sebebinden qırım sakini kündüz oturıp ya da yatıp olamay, onı daima ruhiyatçığa ve sorğuğa alıp keteler. FSB hadimleri qayd eteler ki, Kadırov olarnıñ esabında buluna ve onı 5 künge "çuqur"ğa yollaycaqlar.
Bundan da ğayrı, evel berilgen saqlav ruhsetine baqmadan adamndan Quran tutıp alındı.
Kadırovnıñ tuvğanları onı Qırımğa yaqın olğan başqa bir bölgege etap etecegine ümüt eteler ve tez vaqıtta deñişim olmasını bekleyler.
Murat Kadırov sekiz yıl evelsi musulmanlarnıñ Qurban Bayramı arfesinde 3 biñ ruble (1265 grivna) az kelirli insannıñ bank kartasına yollağanı içün Rusiye Federatsiyasınıñ Cinaiy qanunnamesiniñ "Terrorizmni maliye etüv" 205.1 maddesine binaen maküm etildi.
Telegram, WhatsApp ve Facebookta Suspilne Qırım haberlerine abune oluñız
