Qırımtatar Milliy Meclisiniñ reisi Refat Çubarov ukrain stand upçı-komediyacısı Anton Stenükniñ musulmanlar aqqında şaqasını tenqit etti.
Bunı o Facebook saifesinde yazdı.
"Meni, asılında bu "şaqa"nıñ manasını añlap olamağanımnı tüşünip, añlatmağa tırışmañız, bu şaqa degil. Amma diniy sebeplerden insanlarğa qarşı aytılğan sözler bar... " — dep Çubarov bildirdi.
Yuqarı Şuranıñ insan aqları vekâletlisi Dmıtro Lubinets Milliy polisni Stenükniñ şaqalarını diniy duşmanlıqnı qozğatqanı ve müminlerniñ duyğularını yaralağanı içün teşkermege çağırdı. Bu aqta o, Qırımtatar Milliy Meclisiniñ reisine tefsirinde bildirdi.
Anton Stenük İnstagram saifesinde video muracaatını yayınlap afu soradı.
"Youtubede derc etilgen bir kişilik çıqışımdaki sözlerim tarafından raatsızlanğan er kesten afu sorayım. Menim şaqalarımdan biri yañlış ve qabul etilmez edi, ve men pek çoq insannı, hususan musulman cemiyetiniñ vekillerini, raatsızlağanıma yazıqsınam. Kimseni de aşağılamaq ya da diniy alâmetke qarşı çıqmaq niyetim yoq edi", — dep komik bildirdi.
Hatırlatamız ki, komediyacı Anton Stenük çıqışta bulunğanda din mevzusın aqqında şaqa etti.
"Bu cenk — hucur bir şey. Dünyada musulmanlar çoq olğanda, nasıldır ortodokslar başqa ortodokslarnı öldürgenlerini bilmeyim. Men musulmanlarnı öldürmek kerek olğanını aytmayım, men kerekli adamım, şimdi bu içün vaqıt olmağanını añlayım. Amma buña baqmadan, bunı endi yeudiler yapalar", — dedi Stenük stand-upta.
Qayd etmek kerek ki, söz Anton Stenükniñ 2024 senesi saban ayında yazılğan ilk ukrain tilli "Duyğusal" solo stand up kontsertinden söz yürsetile. "Yerastı stendap" öz YouTube saifesinde Stenükniñ "şaqası"nı endi sıldi.
Telegram ve Facebookta Suspilne Qırım haberlerine abune oluñız
