Qırımnıñ Yuqarı müftisi, Qırım Muhtar Cumhuriyetiniñ Diniy musulman idaresiniñ başı Ayder Rustemov ve "Umma" Ukraina Dİmiy musulman idaresiniñ mütfisi Murat Süleymanov, ülkede yaşağan musulmanlarnı Cian barışıq sammitinde iştirak etmege, Ukraina ve ukrain musulmanlarını barışıqqa ıntıluv ceryanında destek etmege çağırdılar. O, İsviçrede bozarğan aynıñ 15-16. künleri olacaq.
Olar, öz video muracaatında bunı bildirdiler.
Böylece, Qırımnıñ Yuqarı müftisi bildirdi ki, 2014 senesinden berli ukrain musulmanları — qırımtatarlar Rusiyeniñ başlatqanı ve şu anda bütün Ukrainada devem etken cenkniñ fedalarıdır:
"Bizim, Qırımnıñ muhtariy halqımız tuvğan yerinden, tuvğan evinden sürgün etildi. Bu 10 sene devrinde işğalde yaşamağa qalğanlarnı azplaylar, apis eteler, tutalar ve öldüreler, bala bağçalarında ve mekteplerde balalarını ise rusiye gimnini yırlamağa ve rus arbiy urbasında ketmege mecbur eteler, kimge kereksiz bir adam olaraq rus ordusına mobilizatsiya eteler. Qırımda yüzlerce biñ musulman barışıqta degil, cenkte yaşay", — Rustemov qayd etti.
Onıñ sözlerine köre, Rusiyeniñ Ukrainadaki cinayetleriniñ yoq etici istiqbalı pek büyük, olacaq neticeleri ise — ruslar tarafından işğal etilgen ukrain elektrik stantsiyaları sebebinden dünyada özek cenkiniñ başlanğıcıdır. Bundan ğayrı, bu neticeler sebebinden dünya radiatsiya telükesi ve Afrika, Orta ve Şarq ve Cenübiy-Şarqiy Asiyada aşayt buhranı bar. Bunıñ içün bütün dünya içün Ukrainada adaletli ve uzun devamlı barışıq müimdir, dep Rustemov tüşüne.
Aynı zamanda "Umma" Ukraina Dİmiy musulman idaresiniñ mütfisi Murat Süleymanov bildirdi ki, ukrain musulman cemaatı, rusiyeniñ tolu miqyaslı tecavuzınıñ eñ büuük fedalarından biri oldı, çünki RF Qırımnı işğal etken soñ Donetsk ve Luhansk vilâyetlerine ücüm etti, anda musulmanlarnıñ büyük cemaatı, şu cümleden qazan tatarları yaşayşar. İmamlar qurtulmaq içün işğal etilgen topraqlardan ketmege mecbur oldılar, VİETdaki bazı camileri ise tamamınen çalışmağa toqtatılar.
"Bu şiddetli cenk devrinde bir qaç ukrain camisi rus bombaları ve raketalarından zarar kördi, olardan bazıları tamamınen viran etildi. Lâkin biz, ukrain musulmanlarımız, mında qalamız ve aytette qayd etilgeni kibi zayıf erkekler, qadınlar ve balalarnı qorçalamaq içün küreşmege devam etemiz. Em de er kesni ukrainalılarğa qol tutmağa çağıramız", — Süleymanov bildirdi.
O qoştı ki, ukrain Barışıq formulası ve eñ yüksek seviyede Barışıq sammitinde halq ögündeki onıñ destegi cian, adaletli ve muntazam barışıqnı meydanğa çıqarmağa yardım etecek.
Telegram ve Facebookta Suspilne Qırım haberlerine abune oluñız
