"Bütün ukrainalılar içün Ğayret bayrağını köter": qırım faalcileri Qarşlıq aftasını başlattılar

"Bütün ukrainalılar içün Ğayret bayrağını köter": qırım faalcileri Qarşlıq aftasını başlattılar

"Bütün ukrainalılar içün Ğayret bayrağını köter": qırım faalcileri Qarşlıq aftasını başlattılar
Ukrain Qırım yarımadası. Фото: Київська обласна військова адміністрація

"Sarı şerit" areketiniñ faalcileri, 2022 senesi saban ayınıñ başını köstergen Qarşlıq aftasını başlattılar. O zaman ukrain halqı, bütün Ukraina boyunca rus tolu miqyaslı tecavuzına qarılıq köstermek içün mitinglerni keçire edi. Olar, işğal astında bulunğan ve bunı açıqça yapamağan bütün ukrainalılar içün Ğayret bayrağını kötermege teklif eteler.

"Sarı şerit" öz Telegram kanalında bu aqqında haber berdi.

"Tamam 2022 senesi baarniñ başlanğıcında cesaretli ukrainalılar, raşitlerge öz içtimaiy qarşlığını köstermege başladılar. Ukrainalılar silâ almadan, tanklarnı toqtata, mitinglerni keçire, Ukraina bayraqlarını tarqata, kimse ve iç bir şeyden qorqmay ediler. Ve biz kerekli olğance cenkleşmege devam etecekmiz!", — dep bildirildi.

Faalciler qayd ettiler ki, endi 10 senedir Qırım işğalcilerge qarşılıq köstere ve "cenkimiz ne qadar uzun olsa, bayrağımız daa ğayretli olur".

"Bir mis bar ki, Qırmda Ukrainanı beklegenler qalmadılar ve er kes boynunı egdi. Amma biz, "Sarı şerit" qarşılıq areketimizdir. Ve bizim mucadelemiz devam ete", — dep bildirildi.

Areketniñ idarecileriniñ bildirgenlerine köre, Qarşılıq aftası boyunca bütün ukrainalılar mücadele aqqında hatırlata, ruslar tarafında havf astında bulunğanına baqmadan öz ukrain içtimaiy nazar noqtasını bildirgen vatandaşlarımıznı destek ete ve olar içün Ğayret bayrağını kötere bileler.

Telegram ve Facebookta Suspilne Qırım haberlerine abune oluñız

На початок