Qırımnıñ işğaline qarşılıqnıñ 10. seneligine USQ taqımı, qırımtatar türküleriniñ videosını çıqardı

Qırımnıñ işğaline qarşılıqnıñ 10. seneligine USQ taqımı, qırımtatar türküleriniñ videosını çıqardı

Qırımnıñ işğaline qarşılıqnıñ 10. seneligine USQ taqımı, qırımtatar türküleriniñ videosını çıqardı
Qırımtatar türkülerinen video. Фото: YouTube/Ісмаїл Курт-Умер

Kiçik aynıñ 26-sında Qırımnıñ işğaline qarşılıqnıñ 10. seneligine Ukraina Silâlı Quvetleriniñ taqımı, soñ 80 sene devamında yazılğan qırımtatar türkülerinen video çıqardılar. Onı Ukrainanıñ farqlı şeerlerinde çıqardılar.

USQniñ taqımınıñ solocısı, Qırımnıñ sakini, ğayeniñ müellifi ve videonıñ prodüseri olğan İsmail Qurt-Umer Suspilne Qırımğa bu aqqında haber berdi.

"8 ürmetli arbiy taqım şeklinde USQ ve 6 büyük ukrain şeeri şeklinde bütün Ukraina, Qırımğa ve qırımtatar halqına destek bildire", — dep qayd etti o.

Qırımtatar, podpolkovnik Safer Cemalâdinov, qırımtatar türküleriniñ süitini yaptı. Qurt-Umer bu eser eşitken vaqıt QMCniñ işğaline qarşılıq kününe Qırım ve qırımtatar halqını destek etmek içün onıñ videosını çıqarmağa qarar berdi. Anda USQniñ arbiy-muzıka idaresiniñ reberi İhor Kişman onıñ ğayesini destek etti.

"Ukrainanıñ arbiy taqımlarınıñ bu leyhada çalışmalarına yardım etti. Bundan soñ filmyapıcı Stas Çerkasnen Ukriana boyunca seyaat etip, er bir taqım, er bir şeerniñ videosını çıqardıq. Bundan ğayrı, qırımtatr ressamı Feride Qurtnanedovanı bu levhada iştirak etmege ve öz sanatı vastasınen askerlerniñ videoda ne aqqında çalğanlarını köstemege davet ettim", — dep Qurt-Umer añlattı.

Videonıñ soñunda Qurtmamedovanıñ yapqanı Qırımnıñ manzara resimi kösterile. Yaqın kelecekte Qırım ve qırımtatar halqından Ukraina prezidentine bağışlanacaq.

Telegram ve Facebookta Suspilne Qırım haberlerine abune oluñız

На початок