UNESCOnıñ Paristeki Baş konferentsiyasınıñ 42. sessiyası çerçivesinde Ukraina ve ukrain medeniyetinen bağlı tedbirler keçirilir. Şu cümleden, Sen-Sülpis kilsesinde qırım bestekârınıñ muzıkası ilk kere ses çıqardı, frenk ressamı Kristian Gemi ise, ukrain balalarına bağışlanğan freskanı yarattı.
Kristian Geminiñ freskası
UNESCOnıñ ştab dairesinde C215 taqma adını taşığan frenk ressamı Kriastian Gemi, ukrain balalarına bağışlanğan yañı eserini taqdim etti.
Freskanıñ taqdiminde Ukrainanıñ Birinci hanımı OLena Zelenksa ve baş müdi Odri Azule ediler.
Gemi, resimniñ ukrain balalarına bağışlanğanını qayd etti ve bildirdi ki, olarnıñ çoqusı Rusiye topraqlarına sürgün etildi.
Zelenska öz postında şunı qoştı: "Ümüt etem ki, kelecekte Rusiye tarafından tutulıp hırsızlanğan balalarnı qaytaruv saasında işdeşlik bizni bekley. Ressam Kristian Gemi pek yahşı ayttı, "Ukraina talebe qazanmağa ve adaletni istey".
Tolu miqyaslı tecavuz başlağan soñ Ukrainanı çoq kere ziyaret etti. Onıñ eserlerini Kıyiv, Buça, Hostomel ve Lvivdeki divarlarda körmek mümkün.
Qırımtatar muzıkası
Boş aynıñ 10-unda Tış işleri nazirligi haber berdi ki, Pariste ilk kere qırımtatar muzıkası duyuldı — "Kıyiv-Klasik" çalğı taqımı qırım ükümdarı, bestekârı ve şairi II Ğazı Geray Boranıñ eserlerini çaldı. Olarnıñ yaratılmasından 500 sene keçti.
UNESCOnıñ Baş konferentsiyasınıñ 42. sessiyasınıñ birinci künlerinde Parisniñ eñ belli kilselerinden birinde, Sen-Sülpiste kontsert keçirildi.
"Anda qırımtatarlarnıñ muzıka mirasınıñ mahsus alğısı bar edi", — dep müessise qayd etti.
"Biz inanamız ki, asırlar devamında yaşağan qırımtatar halqınıñ medeniyeti ve mirası, Rusiye tarafından Qırımnıñ vaqtınca işğalini ve bu terrorcı bir ülkeniñ varvar mavcudiyet paradigrmasını yaşaycaqtır".
Bizni Facebook, Instagram ve Telegramda oquñız, bizim YouTube kanalımıznı baqıñız
Suspilne Kulturanen öz ikâyesinen paylaşıñız. İçtimaiy ağlarda ve poçta vastasınen biznen bağlana bilirsiñiz: [email protected]
