Ukraina MNniñ İBİ tasdıqladı ki, Aqyar şeerindeki Aqyar deñiz zavodına raketa ateşi desant gemisi, suv tübündeki gemi ve zavod cihazlarını bozdı.
Ukraina Mudafaa nazirliginiñ İstihbarat baş idaresiniñ vekili Andriy Yusov Suspilnege bunı bildirdi.
"Ebet, bunı (Aqyarda gemilerniñ bozulmalarını - müar.) ve cihazlarnıñ bozulmasını da tasdıqlaymız", - dep qayd etti o.
Yusov tasdıqladı ki, gemi ve suv tübündeki gemi de bozuldılar.
"Ukraina Telükesizlik ve mudafaa quvetleriniñ rus işğalcilerini silâsızlaştıruv planlaştırılğan işi devam ete. Elbette, bu bir ğayıptır, büyük desant gemisi ve suv tübündeki gemi aqqında laf etemiz", - dep İBİniñ vekili qayd etti.
O tafsilâtlıca añlattı ki, Rusiye Qara deñiz flotunıñ imkânlarını çoq azlaştıracaq cihazlarnıñ bozulması aqqında da laf ete bilirmiz.
"Gemilerniñ bozmalarından ğayrı, müessise, cihazları ve imkânları de ciddiy tarzda bozuldı. Elbette, bu, ukrain Telükesizlik ve mudafaa quvetleriniñ bugün vaqtınca işğal etilgen ukrain yarımadasındaki irişemegenleri noqtanıñ olmağanını kösterir. Ve tecavuzcı içün bu, eñ acele tarzda o yerden ketmek kerekligini kösterir. Elbette, bu vaqialar ve bu ücüm neticesinde duşmannıñ şahsiy terkibi ve vastalarınıñ qısmı yerini deñiştirecek", - dep Yusov ayttı.
Suspilne USQniñ Ava quvetleriniñ reberliginiñ nutuqçısı Yuriy İgnatnı Ava Quvetleriniñ raketa ücümine ait olıp olmağanını sorap o, Mıkola Oleşçuknıñ içtimaiy ağlardaki postına atıf etti.
"Reberniñ resmiy saifesinde mükemmel iş içün uçucılarğa teşekkür bildirdi, netice çıqarmaq mümkün ki, Ava quvetleri uçucıları ücüm ettiler. Başqa bir şey tefsir etemem", - dep qayd etti o.
Ebet, öz Telegram kanalında Oleşçuk, ukrain uçucılarına teşekkür bildirdi ve imama etti ki, "kelecekte daa çoq şey olacaq...", - dep yazdı o.
"İşğalciler açuvlanğanda ve Aqyardaki gece "pamuq patlaması"ndan özüne kelgende Ukraina Silâlı Quvetleriniñ Ava quvetleri uçucılarına mükemmel arbiy işleri içün teşekkür bildirem! Kelecekte daa çoq şey olacaq...", - yazdı o.
Aqyar deñiz zavodı aqqında ne bilemiz
- "Serio Orconikidze adına Aqyar deñiz zavodı" FGUP - umumen 53 gektarlıq eki iştigal meydançığındaki şeerniñ gemi tarafında bulunğan gemi tamir müessisesidir. Zavod, Qara deñiz flotunıñ gemilerini tamir etmek içün esas meydançıqtır.
- Suv tübündeki gemilerni baqmaq ve olarnı tamir etmek içün Aqyar deñiz zavodında Qara deñiz flotunıñ mahsus leyha tehnik bürosı teşkil etildi.
- 2015b senesi işğal akimiyeti zavodnı Aqyarnıñ menfaatına milliyleştirdi, amma endi 2019 senesi o, RF sanayı ve ticaret nazirliginiñ idaresine federal mülkiyetke keçti.
- 2017 senesi rus askerleri ve mahsus hızmetlerinen bağlanğanı içün AQŞ zavodnı sanktsiyalar astına qoydı, 2021 senesi ise Ukrainanıñ sanktsiyaları astında da oldı.
- 2022 senesi berim ayında ruhiyenin Ukrainağa tolu miqyaslı tecavuzı sebebinden Aqyar deñiz zavodı, AQŞnıñ keñiş sanktsiya cedveline kirsetildi.
Telegram, Viber ve Facebookta Suspilne Qırım haberlerine abune oluñız
