Ukrayina uquq qorçalayıcıları Yalta şeeriniñ "arbiy komissarı"nı cenk qanunları ve adetlerini bozğanıUkrayina CQniñ 438-nci maddesiniñ 1-nci qısmı içün qabaatladı. Tahqiqatnıñ malümatına köre, o, işğal etilgen Qırımda Ukrayina vatandaşlarını Rusiye ordusına mecburiy çağırğan edi.
Oraq ayınıñ 2-nde Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bu aqqında haber berdi.
Qırım Muhtar Cumhuriyeti prokurorlığınıñ bergeni malümatqa köre, qabaatlanğan adam 2015 senesi — Qırım işğalinden bir yıldan soñ — Yalta "arbiy komissarı" vazifesini aldı. 2019 senesine qadar "Yalta şeer okrugı boyunca çağıruv eyyetiniñ reisiniñ muavini" edi.
UHHniñ Qırım Muhtar Cumhuriyetindeki Baş idaresi bildirdi ki, beş yıl devamında adam 10 qanunsız askerlikke aluv kampaniyasını teşkil etti. O, 19 biñ Qırım sakinini Rusiye Federatsiyası Silâlı quvetleriniñ saflarına zorbalıqnen "çağırdı".
"Mabüs Qırım sakinlerini Rusiye silâlı birleşmelerinde "arbiy hızmet"ke mecbur ete edi, vatandaşlarnı "mahkemeler" ve "ceza organları"nen qorquza edi", — dep qoştılar.
Prokurorlıq qayd etti ki, bu çağıruv — 1949 senesiniñ cenk vaqtında vatandaşlarnı qoruv aqqında Jeneva şartnamesiniñ 147-nci maddesiniñ bozuluvıdır.
O, halqara gumanitar uquqınıñ qorçalavı altında olğan insanlarnı işğal etken devletniñ Silâlı quvetlerinde hızmet etmege mecbur etmege yasaq ete.
Aynı zamanda prokurorlıq qayd etti ki, Ukrayina mahkemesi daa evel Qırımdan eki "arbiy komissar"nı aynı şu madde boyunca mahküm etti, ve daa dört qabaatlav davası baqıla.
Hatırlatamız ki, işğal etilgen Qırımda ruslar belediye qurulışlarınıñ 25 "çağıruv eyyeti"ni ve yarımadanıñ "çağıruv eyyeti"ni meydanğa ketirdi. Qırımnıñ "arbiy komissarı" polkovnik Yevhen Maşukovnıñ bildirgenine köre, bu "baar çağırışı" vaqtında askerlikke aluv yaşı da arttırıldı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
