İşğalli akimiyetniñ Zaporijjâ vilâyetiniñ işğal etilgen qısmından mektep talebelerini alıp ketkeni Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) civarındaki bala lagerinde balalarğa telefon qullanmağa ve ana-babalarına telefon etmege izin berilmey. Mektep talebeleri Qırımda eki afta qalacaqlar.
"Qırım platforması" teşebbüsiniñ saytında bu aqqında haber etildi.
Qorantalarnen bütün alâqalar "vojatlar" tarafından nezaret etile, uquq qorçalayıcılarnıñ aytqanına köre, bu ise balalarnı izolâtsiya ete ve olarnıñ telükesiz munasebet aqqını sıñırlay.
"Balalarğa telefonlarnı qullanmağa ve ana-babalarına öz başına telefon etmege yasaq etile: er angi subet tek reberler vastasınen keçirile. Bu sıñırlavlar balalarğa destek, şikâyet ya da tuvğanlarınen bağ tutmaq imkânını bermey", — dep "Qırım platforması" teşebbüsiniñ saytında haber etildi.
"Sarı şerit" areketiniñ faalcileri bildirdiler ki, Yevpatoriya (Kezlev) lagerinde balalarğa ana-babalarına telefon etmege ve umumen telefon qullanmağa yasaq etile.
"İnternet detoksı, elbette, faydalı ola bile, amma başqa bir yerde, yañı şekillengen gençler taqımında ve, elbette, arbiy mevzularnen aqıl-bağışlav çerçivesinde degil. Mında balalarğa qarşı açıq, maqsatlı ve tamamınen qabul etilmegen ruhiy basqı taktikası gizlenike", — dep areketniñ faalcileri ayttılar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
