Portugaliyada umumiy tasil ve ilim inspektsiyası Qırımnı rusiyeniñ qısmı olaraq adlandırğan 7-nci sınıf içün coğrafiya ve tarih dersliginiñ teşkerüvini başladı. Muracaatnı Portugaliyadaki ukratin cemiyeti başlattı.
Facebookta Dünya Ukrayinler Kongressiniñ (DUK) Cenübiy Avropadaki vitse prezidenti ve Portugaliyadaki ukrayinler birliginiñ reisi Pavlo Sadoha yazdılar.
"Portugaliyanıñ Tasil ve ilim baş inspektsiyasından haber aldım ki, olar Qırımnı Rusiye toprağı olaraq köstergen 7-nci sınıf coğrafiya ve tarih derslikleri boyunca dava açtılar", — dep Pavlo Sadoha yazdı.
Bundan ğayrı, IX-XII asır tarih bölüginde zemaneviy Ukrayina ve Rusiye topraqları "Rusiye knâzlığınıñ" qısmı olaraq taqdim etile.
"Ukraiyna tarihiy ilmiy noqta-i nazarına uymay ve Rusiye Federatsiyası Ukrayinağa qarşı tecavuzını aqlamaq içün qullanğan Rusiye ikâyesini aks ettire (birinci kere "Rusiye" ıstılası Moskva devletçileri tarafından tek XVIII asırda qullanılğan edi. O vaqıtqa qadar bugünki Rusiyeniñ toprağı "Moskva İmperiyası" dep adlandırılğan edi", — dep Sadoka yazdı.
Daa evel o, derslik aqqında malümatnı ukrayin qaçağından alğanını bildirdi.
"Bunı daa da kederli etken şey, bu malümatnı bizge ukrayin qaçağı berdi, o, portugal mektebinde yedinci sınıfta oquy, Rusiye istilâsı sebebinden ağır ruhiy buhran yaşay ve öz Ukrayinasını, öz müitini terk etmege mecbur oldı. Rusiye istilâsı başlağanından berli: 622 bala elâk oldı, 1924 yaralandı, 19 500-den çoq bala Rusiye, Belorusiye ya da vaqtınca işğal etilgen topraqlarğa mecburen sürgün etildi", — dep aytıla haberde.
Bundan da ğayrı, Dünya ukrayinler kongressi Dünya terbiye-maarif idare şurası (DTMİŞ) tek Avropa memleketleriniñ degil, dünyanıñ bütün bölgeleriniñ tarih ve coğrafiya dersliklerinde Ukrayinağa ait malümatnı ögrenüv, tedqiq etüv ve teşkerüv mustaqil esnasını başlata.
Hatırlatamız ki, Qırımnıñ İtaliyadaki coğrafiya dersliklerinde rusiye toprağı adlandırılğanı aqqında, daa evel İtaliyadaki NAU ukrayin birleşmeleriniñ vitse prezidenti ve Stop Propaganda Russa teşebbüsiniñ idarecisi Olena Kim haber etken edi.
2025 senesi saban ayında Litvanıñ jurnalist ahlâqları boyunca inspektor hızmeti Litvanıñ Baş prokurorlığına Vilnüste satılğan Qırım ve vaqtınca işğal etilgen diger ukrayin topraqları rusiye qısmı olaraq qayd etilgen atlaslar sebebinden muracaat etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
