Vaqtınca işğal etilgen Qırımnıñ eki Rusiye tarafdarı matbuat hızmetçisine, Rusiye Federatsiyasınıñ Ukrayinağa qarşı silâlı tecavuzını kütleviy haber vastaları vastasınen açıq aqlağanında ve duşmannen işbirlik faaliyetinde iştirak etkeninde şübhe bildirildi.
Qırım MC ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
"Qırım gazetası. Mahsus sanı" adlı işğalli "Qırım Cumhuriyeti içki siyaset, malümat ve bağ nazirligi" tarafından teşkil etilgen leyhanıñ baş muarriri ve neşirlerniñ koordinatorı aqqında söz yürsetile. Neşirniñ esas maqsadı — yarımadanıñ "Rusiye statusı" aqqında Kremlniñ ikâyelerini tarqatmaqtır.
Tahqiqatnıñ versiyasına köre, 2023 senesi kiçik-saban aylarında şübheliler Rusiye Silâlı quvetleriniñ arbiy hızmetçilerine bağışlanğan gazetanıñ yayınlarını azırlap başladılar. Bu malümatlarda Rusiye Mudafaa nazirliginiñ resmiy malümatları, Kreml haberleri, "mahsus arbiy ameliyat" iştirakçilerinen intervyular ve Rusiye teşviqatı, şu cümleden "ukrayin natsizminen küreş" aqqında, haberler derc etile.
Neşirniñ nushası tek cenk alanındaki işğalli ordular arasında degil de, İnternette de tarqatıla. Mahkeme-lingvistik ekspertiza, şübhelilerniñ reberligi altında neşir etilgen metinlerde Rusiye Federatsiyasınıñ Ukrayinağa qarşı cenkini aqlağanını ve onıñ iştirakçilerini şereflendirgenini tasdıqladı.
Olarnı cinaiy añlaşma ve duşmannen işbirlikUkrayina CQniñ 28-nci maddesiniñ 2-nci qısmı, 111-1-nci maddesiniñ 6-ncı qısmı faaliyetinde iştirak etüvde, em de Ukrayinağa qarşı Rusiyeniñ silâlı tecavuzını aqlağanıUkrayina CQniñ 28-nci maddesiniñ 2-nci qısmı, 436-2-nci maddesiniñ 3-nci qısmında qabaatlaylar — Ukrayina Ceza qanunnamesiniñ maddelerine köre. Eger qabaatları isbatlansa, olarğa 12 yılğa qadar apis cezası berile bilir.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
