İşğal etilgen Qırımda yarımada sakinlerine qarşı basqılar dalğası devam etmekte. Rusiye havfsızlıq küçleri içtimaiy ağlarda ukrain tarafdarlı fikirleri içün adamlarnı tutıp, olarnı "terrorcılıq azırlavında" ve "ukrain mahsus hızmetlerinen işbirlikte" qabaatlaylar.
Suspilne Qırım, soñki bir afta içinde yarımada sakinlerine qanunsız tutuluvlar ve çıqarılğan cezalar aqqında umumiy malümat azırladı .
İçki: Qırım köpüri aqqında tefsirler içün cinaiy iş
İşğal etilgen Qırımda FSB hadimleri Kefe rayonınıñ İçki (evelki Sovetskıy) köyünde yaşağan 52 yaşında adamnı tuttılar. İşğalcilerniñ aytqanlarına köre, o, farqlı Ukrayin Telegram kanallarınıñ postlarını izaatlay edi.
Qırım sakinine qarşı "İnternet ağı vastasınen yapılğan terroristik faaliyetke açıq çağıruvlar" maddesine binaen cinaiy dava açıldı. Bu maddege köre, yedi yılğa qadar apis cezası berile bilir.
FTH beyanatına köre, tutıp alınğanı, munatazam sürette ukrain telegram-kanallarında tefsirlerni qaldırıp "bayağı zararlı mevamını" köstergen edi.
Keriç rayonı: Moldovadan kelgen "mahsus hızmetlerniñ agenti"
Cenübiy bölgeniñ arbiy mahkemesine Moldovanıñ 33 yaşındaki vatandaşına qarşı "terakt azırlavı" ve "patlayıcı cihazlarnı saqlav" maddelerine binaen cinaiy dava yollanıldı. İşğalciler onıñ Ukrayina mahsus hızmetlerinen işbirlik yapqanını tüşüneler.
İşğalli tahqiqatnıñ versiyasına köre, 2024 senesi yazda adam Ukrayina Mudafaa nazirliginiñ Baş istihbarat idaresiniñ hadiminen messencer vastasınen bağlandı ve "çetel istihbaratı içün vazifelerni eda etmege azır olğanını" bildirdi. O, reberden vazife alıp Lenin rayonında (şimdiki Keriç rayonı) bölgeniñ ayat teminat obyektlerinden biri olğan pompa stantsiyasını patlatmaq kerek edi.
"O, öz başına yapılğan patlayıcı aletnen saqlanğan yerniñ koordinatlarını aldı ve ilerideki talimatlarnı beklep, saqladı", — dep qayd etti "prokurorlıq".
Aqyar: USQ-ne qol tutuvı içün para cezası
Sevastopolda (Aqyarda)Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adı Ukrayin Telegram-kanallarında tefsirini yazğan 30 yaşındaki naqliyat devlet şirketiniñ hadimine "Rusiye ordusınıñ itibarını tüşürgeni" içün 45 biñ rublelik (13 500 ğrıvnâ) para cezası berildi.
İşğal milisi iddia etkeni kibi, qadın, "rusiye ordusını itibardan tüşürip" halq ögünde USQ-ne qol tutqan edi. Tefsirlerde o, Sevastopolde ukrain arbiylerini beklegenini" yazğan edi.
Müellifniñ şahsiyetini tez vaqıtta belgilediler, makeme ise – cöreme ödetti.
Simeyiz: "VKontakte"-deki yazılar içün 10 künge tevqif
"VKontakte" içtimaiy ağındaki, işğalcilerniñ aytqanlarına köre, Silâlı Quvetlerge yardım ve "faşist timsalleri" olğan yazmalar sebebinden Simeyizniñ sakini tutuldı.
Bu adamğa qarşı memuriy protokol tizildi, Yalta "mahkemesi" onı 10 künge memuriy apske alğan.
Qırım: "devlet hainligi" içün üç üküm
Okkupatsiya mahkemesi Qırımnıñ üç sakinini "satqınlıq" maddesi boyunca ceza çıqardı.
- Mahkümlerden birisi, iddia etilgeni kibi, Silâlı Quvetlerge Feodosiya (Kefe) körfezindeki gemiler aqqında malümat, arbiy bölükniñ fotoresimlerini bergen, Ukrain ordusını temin etken edi. Onı 15 yılğa qattı nizamlı rejimine mahküm ettiler.
- Digeri ise – Krasnodar diyarında yerleştirilgen RF arbiyleriniñ koordinatalar ve Keriçte sıñır gemileriniñ yerleşken yerini paylaşa edi. Oña 16 yıl qattı rejim, 1,5 yıl serbestlik sıñırlanması ve 400 biñ ruble (200 biñ grn) miqdarında cöreme berildi.
- Üçüncisi ise – işğalcilerniñ aytqanlarına köre, UTH-nen bağlanıp, Qırım köpürini qorçalağan AQM inşaatınıñ koordinatalarını ve cenk zonasına tehnikanıñ areketi aqqında malümatını alıp bergen. Erkek, qattı rejimge 15 yılğa ve 1,5 yılğa serbestlikniñ sıñırlamasına mahküm etildi.
Telegram, WhatsApp ve Facebookta Suspilne Qırım haberlerine abune oluñız
