2025 senedeki çiçek ayına qadar eñ azdan 92 Ukraina vatandaşı "diversiyalarnıñ azırlanuvı" ve "casuslıqta" qabaatlavı boyunca vaqtınca işğal etilgen Qırımda apiste bulunmaqtadır.
Bunıñ aqqında Qırım uquq qoruyıcı gruppasınen (QUQG) azırlanılğan Qırımdaki insan aqlarınen nezaret baquvında denile.
Olarnıñ arasında – 2014 seneden itibaren Qırımda tutıp alınğanlar, ve 2022 senesi uvut aynıñ 24-den soñ Zaporijjâ ve Herson vilâyetlerinde hırsızlanıp Qırımdaki tahqiqat tevqifhanesine alıp ketirilgen eñ azdan 33 insan.
"Böyle vaziyetlerde RF FTH, tutuv vaqtında insanlarnı "diversiyalarnıñ azırlanuvı", "silânıñ saqlanuvı" ve "casuslıqta" qabaatlaylar. Bu davalarda tahqiqat keçirilmesiniñ qanunsız usulları, itiraflarnıñ alınması içün işkencelerniñ ve ruhiy basqısınıñ amelge keçirüvi, qabaatsızlıq prezumptsiyasınıñ bozuluvı ve RF FTH-nen rusiye KHV ile mahsus azırlanılğan "itiraflar" videolarnıñ paylaşuvı qayd etilgenler", – denile beyanatta.
Telegram, WhatsApp ve Facebookta Suspilne Qırım haberlerine abune oluñız