Mütsemlekede muntazam sürette memuriyet tarafından basqığa oğrağan Nova Kahovkadan siyasiy mabüs, jurnalist, cemaat faalcisi Serğiy Tsığipa Moskvadaki kassatsiya makemesi 13 yıllıq apis cezasını deñiştirmedi. Makeme oturışında Avropa memleketleriniñ vekilleri bar edi.
Onıñ apayı Olena Tsığipa Suspilne Qırımğa bunı bildirdi.
Advokatnıñ aytqanına köre, makeme oturışında Çehiya, Frenkistan, Kanada ve daa bir Avropa memleketiniñ vekilleri bar edi, amma o, qaysı memleket olğanını bilmey. Halqara temsilciler bu işke soñki anda qoşuldı.
"Men bellesem, bu pek yahşı oldı, çünki Rusiye Serğiyge çetel diplomatları, uquq qorçalayıcılar, jurnalistler tarafından pek çoq diqqat ayırılğanını añlaycaq. Ümüt etem ki, bu onıñ qaytmasına tesir eter", — dep Olena qayd etti.
Onıñ aytqanına köre, Tsığipa mektübinde oña er kün basım içün ilâclar berilgenini ve tiş meseleleri bar olğanını bildirdi.
Makemeden soñ siyasiy mabüs vaqtınca Moskvada qala bilir, ya da birinci instantsiya makemesiniñ qararınen tanışmaq içün işğal etilgen Qırımda Simferopolğa (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adke) yollanıla bilir.
Şimdi qadın Brükselde adliyecilik missiyası çerçivesinde buluna.
"Men mında yalıñız degilim, men "Vatandaşlar esirlikte" teşkilâtınıñ temsilcilerinen beraberim. Biz beş kişimiz: men apay olaraq, Kremlniñ vatandaş esirleri üç qızı ve qız qardaşı. Mında tek tuvğanlarımız içün degil de, teşkilâtımıznıñ bütün qorantaları içün aq ve serbestlikni qorçalamaq vazifesinde bulunamız", — dep paylaştı o.
Kreml mabüsiniñ apayı, Brüsselde olar körüşken bütün temsilcilerni Rusiyege basqı yapmaq içün mehanizmlerni işlep çıqarmağa yardım etmege çağırdılar, dep qoştı.
"Olar içtimaiy ağlardaki saifelerinden haberdar olsunlar, çünki er bir vekilniñ, er bir diplomatnıñ taqipçileri bar. Ve bu malümat köprümizni kenişletmek içün, biz olardan aynı böyle yayınlarnı yapmalarını rica ettik. Er kes cevap berdi, bazıları atta tünevin ve keçken künü körüşüvlerimizden soñ derc etti. Bizge böyle munasebet köstergenleri içün pek memnünmiz, bizni qabul eteler", — dep Olena ayttı.
O, mabüslerniñ diger tuvğanlarınen beraber Front Line Defenders uquq qorçalayıcı teşkilâtınıñ davetinen kelgenini qayd etti. Trening vaqtında olarğa uquq qorçalayıcılarnıñ kim olğanını añlattılar.
"Bizge, biz de uquq qorçalayıcılar olğanımıznı ayttılar. Bizler içün bu bir keşif edi. Bizler: "Bizde uquq tasilinde tasil yoq", — dep ayttıq. Olar, bu müim degil, dep ayttılar — uquq qorçalayıcı er kes ola bile, atta studentler, ve sizde "vatandaş esirleri" mevzusı bar, siz bu qorantalarnıñ vekilleri ola ve uquq qorçalayıcı olmağa mecbur oldıñız", — dep siyasiy mabüsniñ apayı añlattı.
Serğiy Tsığipa aqqında ne bilemiz
Yañı Kahovka jurnalisti ve yazıcısı Serğiy Tsığipanı işğalciler endi eki yıldır esir tutalar. O, Ukraina tarafdarı olğanı ve jurnalist faaliyeti sebebinden hırsızlandı, dep imayecisi tüşüne. Ukrain göñüllisi de edi.
2022 senesi saban ayınıñ 12-nde tutulğan soñ, onen bağ kesildi. Daa soñra Rusiye teleyayınında yayınlanğan teşviqat levhasından qorantası onıñ esirlikte olğanını örgendi. Advokatnıñ aytqanına köre, onı Aqmescitteki 2-nci SİZOda tutalar.
Halqara gumanitar uquq işğal etilgen topraqlardan insanlarnı başqa bölgelerge acele ihtiyac olmasa, keçirmege, mecburen ğayıp etüv ve qapalı makeme esnaslarını yasaq ete ve arbiy cinayet olğanını köstere.
Telegram, WhatsApp ve Facebookta Suspilne Qırım haberlerine abune oluñız