"Yevpatoriya şeer makemesi"niñ işğalli makemecisi 12 yılğa ğıyabiy şekilde azatlıqtan marum etilip, mal-mülki müsadere etildi. O, cenk qanunları ve adetlerini bozğanınUkraina CQniñ 438-nci maddesiniñ 1-nci qısmıda, hususan Qırımdan ukrain vatandaşlarınıñ sürgün etilmesine yardım etkeninde qabaatlı tanıldı.
Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeriniñ prokurorlığı bu aqqında haber berdi.
Taqiqat belgiledi ki, Qırım işğal etilgen soñ maküm etilgenniñ Rusiye Federatsiyası içün çalışıp, onıñ organları adından qarar çıqara edi. 2016 senesi ilk qış ayında o, Ukraina vatandaşını yarımadadan sürgün etüv aqqında qanunsız qarar aldı, bunı "qonaq vesiqaları"nıñ yoqluğı ve "Rusiye Federatsiyasında bulunma qaideleri"ne riayet etmegeninen añlata. O, Qırım toprağını terk etmege istemey edi.
Prokurorlıq qayd etti ki, böyle areketler 1949 senesi vatandaşlarnı qoruv şartnamesiniñ bozuluvı ola, bu ise işğal etilgen topraqlardan insanlarnı zorbalıqnen köçürmege ya da sürgün etmege yasaq ete.
Qırım MC ve Aqyar şeeriniñ prokurorlığı Suspilne Qırımğa añlattı ki, qabatalanğan adam olmadan mahsus makeme oturışları ("ğıyabiy ükümler") neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Telegram, WhatsApp ve Facebookta Suspilne Qırım haberlerine abune oluñız