Umumiy iftar – Ramazan ayı vaqtında aqşam yemeginiñ qabul etüvini – saban aynıñ 21 qırımtatatar halqnıñ Meclisi Ukraina Tışqı işler nazirliginen beraber keçirdiler. O, TİN -deki Diplomatik akademiyasında keçken.
Bunıñ aqqında Meclis öz saytında bildire.
Davet etilgen musafirlerniñ arasında Ukraina Tışqı işler naziri Andriy Sıbiğa, qırımtatar halqnıñ yetekçisi Mustafa Cemilev, Ukraina mudafaa naziri Rustem Ümerov, Ukrainada resmiyleştirilgen musulman ülkeleriniñ elçileri, cemiyet vekilleri ve USQ-niñ arbiyleri.
"Soñki vaqıt içinde rusiye-ukrain cenkte barışıqqa nasıl usullar ve areketler ile nail olmaq mümkün meselesine dair versiyalarnıñ çoqusı peyda ola. Bu sebepten Ukraina Prezidenti Volodımır Zelenskiy ve onıñ taqım azalarına Ukraina, iç bir işğal etilgen territoriyasını rusiyeli olğanını tanımaz dep olarnıñ mevamı içün teşekkürler bildirmege izin beriñiz. Ramazan künlerde Qırımnı rusiye işğalcilerinden serbest etmege ve öz toprağına ve Ukraina devletine sadıq qalmağa devam etken Qırımdaki bütün insanlarınen, öz halqımıznen birleştirilip öz azimkârlığımıznı daa çoq quvetleştiremiz", – dedi qırımtatar halqnıñ Meclis başı Refat Çubarov.
Tışqı işler naziri Andriy Sıbiğa öz Facebook saifesinde bu iftar, çoq medeniy, farqlı dinden ibaret ve çoq milletli cemiyeti olaraq Ukrainanıñ bütünligini timsal olğanını yazğan.
"Rusiye tecavuzı Qırımdan başlanğan olıp Qırımnen de biter – yani onıñ Ukraina terkibine qaytaruvınen. O, tek territorial bütünliginiñ qaytaruvı aqqında degil, daa adaletniñ qaytaruvıdır. Birligimiz bugün Ukrainada adaletli ve sebat tınçnıñ qaytaruvı içün müim", – yazdı o.
Kütleviy iftarlar bütün Ramaz aynıñ içinde afta içinde bir qaç sefer keçirileler, bildire Meclis.
Telegram, WhatsApp ve Facebookta Suspilne Qırım haberlerine abune oluñız