İşğal etilgen Qırımda qadınlarnıñ ğayıp oluvı arta. RF ordusı içün bu, ukrain yırlarını ya da RF Silâlı quvetlerini tenqit etken yerli ealini qorqutmaq usullarından biridir.
QırımSOS adliye mütehassısı Artem Oliynık bu aqqında haber etti.
Onıñ aytqanına köre, zorbalıqnen alıp qaçuvlar yarımadada Rusiye işğalcileriniñ repressiv areketleriniñ bir qısmıdır. Olar insan aqlarını bozalar ve işğalli memuriyet tarafından ealini qorquzmaq içün qullanılalar.
"Eñ telükeli tendentsiyalardan biri — Rusiyeniñ FSBsiniñ repressiyalarınıñ sistematik aleti olğan zorbalıqnen ğayıp oluvlarnıñ artmasıdır. Er yıl onlarnen insan ğayıp ola. Qurbanlar arasında qadınlarnıñ sayısı ep arta. ("Qırım esnası" teşebbüs gruppasınıñ malümatına köre — muar.), aman-aman bir yıl evelsi hırsızlanğan Lera Cemilova ve Tetâna Dâkunovskanıñ taqdiri alâ daa belli degil. Hersondan student Anna Yeltsovanen da vaqia misal ola — Rusiye akimiyeti onı bir yıl devamında qabaatlamayıp, bütünley izolâtsiyada tuta edi", — dep Artem Oliynık qayd etti.
Aynı zamanda ğayıp etüv — işğal etilgen Qırımda repressiyalarnıñ tek usulı degil. Rusiye quvetçileri, Rusiye ordusını tenqit etkeni içün, yerli uruvlar, tintüvler, apis cezaları ve teşviqat içün "kamerağa çıqarılğan" açıq-aydın aşalavlarnen qorquzalar.
"Bu areketler "Rusiye Silâlı quvetleriniñ itibardan tüşürilüvi"nen küreşkenini izaatlay, amma kerçekten de makemeler sadece taqip etüvni belgiley. 2022 senesi saban ayından itibaren eñ az 1 126 kişi bu siyasetniñ qurbanı oldı, ve olarnıñ sayısı artıp tura", — dep mütehassıs qayd etti.
Telegram, WhatsApp ve Facebookta Suspilne Qırım haberlerine abune oluñız