İşğal etilgen Qırımda devlet hainligiUkraina CQNiñ 111-nci maddesiniñ 1-nci qısmı, Ukraina topraq bütünligi ve toqunılmamazlığına qast etüvUkraina CQniñ 110-ncı maddesiniñ 2-nci qısmı şübesi "Halqara kazaklar birliginiñ Feodosiya polku" qanunsız silâlı birleşmesiniñ yolbaşçısına bildirildi. Bundan ğayrı o, qanunsız silâlı birleşmeni teşkilUkraina CQniñ 260-ncı maddesiniñ 4-nci qısmı ve iştirak etüvde, müessiselerge ücüm etkeninde qabaatlana.
Telegramda Qırım MC ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeriniñ prokurorlığı bunı bildirdi.
Taqiqat malümatına köre, şübeli adam 2014 senesi kiçik aynıñ soñunda meydanğa ketirgen ve yolbaşçılıq etken "Halqara kazaklar birliginiñ Feodosiya polku" Rusiye ordusına Qırım işğaline yardım etken edi. Hususan, birleşmeniñ azaları Rusiyege qoltutqan mitinglerni qorçaladı, Feodosiyada (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adde) memuriy binalar ve müessiselerni zapt etüvde iştirak ettiler.
"Şu cümleden, 2014 senesi kiçik aynıñ 26-nda "komandan" öz nezaretindeki "kazaklıq" azalarınen beraber Feodosiya (Kefe) şeer şurasınıñ binasına kirip, onıñ iştirakçilerini blok etti ve akimiyetke qarşılıq köstermek içün şeerde "halq qorçalayıcıları" bölüklerini meydanğa ketirmege talap etti", — dep aytıla haberde.
2014 senesi saban ayında ise, prokurorlıqnıñ bildirgeni kibi, şübeli adam Feodosiya (Kefe) prokurorlığı binasınıñ zapt etilüvinde iştirak etti ve Rusiye arbiylerinen beraber Feodosiyada (Kefede) A2272 arbiy qısmını blok etti. O, 15 yılğa qadar apis cezasına üküm etile bile.
Makemeden evelki taqiqatnı MPniñ Baş idaresiniñ Qırım MC ve Sevastopol (Aqyar) şeerideki Tİ tarafından keçirile.
Telegram, WhatsApp ve Facebookta Suspilne Qırım haberlerine abune oluñız