Devlet taqiqat bürosı, işğalli akimiyetnen işbirligi yapqan Qırımdan makemecige devlet hainligiUkraina CQniñ 111-nci maddesiniñ 1-nci qısmınde şübe aqqında bildirdi. O, 15 yılğa qadar azatlıqtan marum etüv cezası ve mülkiyetiniñ musadere etilmesi üküm etile bilir.
DTBnıñ Melitopol şeerindeki idaresiniñ Facebook saifesinde bu aqqında haber etildi.
Taqiqatnıñ malümatına köre, 2010 senesinden başlap 2014 senesine qadar qadın Sevastopolnıñ (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adnıñ) Nahimov rayon makemesiniñ makemecisi edi.
"Qırım işğal etilgen soñ, o, öz isteginen işğalciler tarafına keçti ve olarnıñ akimiyet sistemasında çalışmağa başladı. Bundan soñ Rusiye prezidentiniñ fermanınen Lenin rayon makemesiniñ "makemecisi" olaraq tayinlendi, 2020 senesi ise qanunsız şekilde teşkil etilgen Aqyarnıñ Gagarin rayon makemesiniñ reis muavini vazifesini aldı", — dep aytıla haberde.
Makemecilik idaresi Qırım Muhtar Cumhuriyeti ve Aqyar şeeriniñ prokurorlığı tarafından keçirile.
Telegram, WhatsApp ve Facebookta Suspilne Qırım haberlerine abune oluñız