İşğalli Qırım makemesi yerli sakinni sert rejimli müstemlekede 18 yılğa üküm etti. Adam Rusiye ordusınıñ Feodosiyada (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adde) yerleştirilüvi aqqında malümatnı "kuratorlar"ğa yollay edi.
İşğalli Qırım prokurorlığı Telegram kanalında bunı bildirdi.
"Rusiye mahsus arbiy operatsiyasınıñ keçirilmesine qarşı çıqqan" adam içtimaiy ağlardaki toplulıqqa qoşuldı, dep bildirildi. Anda o, "Ukraina istihbaratından vazifeler ala edi".
"2023 senesiniñ küzünde adam Rusiye Silâlı quvetleriniñ Feodosiya (Kefe — terciman) şeerinde yerleşken yerleriniñ foto ve videolarını çekti. Maküm etilgen şahıs, malümat yollağanı içün, mütehassıslardan para aldı. Makeme, devlet qabaatlayıcısınıñ noqta-i nazarını köz ögüne alıp, adamğa sert rejimli tüzetüv müstemlekesinde 18 yıl apis cezasını berdi", — dep aytıla haberde.
Facebook, Instagram ve Telegramda haberlerimizni oquñız, bizim YouTubeve TikTokımıznı baqıñız