Sevastopolnıñ (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adnıñ) işğalli şeer makemesi, Rusiye Cinayet qanunnamesiniñ 276-ncı "Rusiye Federatsiyasınıñ Silâlı quvetlerine qarşı qullanıla bilecek malümatnı duşmanğa berüv, yani casuslıq maqsadınen toplav" maddesine binaen çetel vatandaşını sert rejimli müstemlekede 14 yılğa üküm etti. İşğalcilerniñ aytqanına köre, o, Ukraina Mudafaa nazirliginiñ Baş istihbarat idaresinen işbirlik tuttı.
Qırım ve Sevastopolnıñ (Aqyarnıñ) işğalli FSBsi haber etti, dep Rusiye kütleviy haber vastaları bildirdi.
"Taqiqat"nıñ malümatına köre, 43 yaşında ve adı bildirilmegen diger devlet vatandaşı Telegram vastasınen "Bİİ temsilcilerinen işbirlik tuttı".
İşğalli nazirlikniñ malümatına köre, adan Ukraina mahsus hızmetiniñ vekillerine Sevastopolda (Aqyarda) Rusiye ordusınıñ silâ, arbiy tehnika, bölükleri ve obyektleriniñ bulunğan yerleri aqqında malümat toplap, olarnı ateşke tutmaq içün berdi.
Malümat, maqsatlarnı belgilemek ve olarğa ateş açmaq içün qullanıla edi
Qırımdaki FSBniñ malümatına köre, adamğa kriptovalüta vastasınen para berildi, paralarnı o kriptobot vastasınen çıqardı. Onı Sevastopolda (Aqyarda) arbiy obyektlerniñ birinde fotoresim yapqanda tuttılar.
Ukraina Mudafaa nazirliginiñ Bİİniñ matbuat hızmeti bu malümatnı şimdilik izaatlamadı.
Telegram, WhatsApp ve Facebookta Suspilne Qırım haberlerine abune oluñız