Kiçik aynıñ 14-nde işğal etilgen Qırımdaki Keriç, (Simferopol) Aqmescit ve Aluştanıñ bir qısmı tamir işleri sebebinden suvsız qaldı. Suv teminatı saat 17:00-ge qadar ğayrıdan tiklenecek, dep vade eteler.
Bunı "Voda Krıma" işğalli şirketiniñ matbuat hızmeti bildirdi.
Bundan ğayrı, Yalta ve Masandra rayonları elektriksiz qaldı, dep işğalli "Krımenergo" bildirdi. Üç saat içinde tamir etmege vade eteler.
Ukraina milliy tirenüv merkeziniñ bildirgenine köre, Qırımnıñ issilik ağlarınıñ 70%-i acele tamir etilmek kerek. Bu 700 kilometrni teşkil ete, amma keçken sene işğalci akimiyet kerekli miqdarnıñ tek 1%-ini deñiştirdi.
Telegram, WhatsApp ve Facebookta Suspilne Qırım haberlerine abune oluñız