Kiçik aynıñ 14-nci sabası Rusiye, "Kalibr" qanatlı raketasınıñ taşıyıcısı olğan gemilerini Qara deñizge arbiy hızmetke yollamadı. Azaq deñizde ise Rusiye gemileri qayd etilmedi.
Ukraina SQniñ Arbiy-deñiz quvetleriniñ matbuat hızmeti Facebookta bunı bildirdi.
Aynı zamanda Aq deñizde ise dört Rusiye gemisi bar, olardan üçü — umumen 26 "Kalibr" qanatlı raketasınıñ taşıyıcısıdır.
Bundan ğayrı, keçken künü Rusiye Federatsiyasınıñ menfaatları içün Keriç boğazından Azaq deñizine doquz gemi keçti, olardan 4-ü İstanbul boğazına areket etti. Keriç boğazından Qara deñizge ise altı gemi keçti, olardan 5-i İstanbul boğazına areket etti.
"Rusiye, avtomatik identifikatsiya sistemasını (AIS) söndürerek, 1974 senesiniñ Deñizde insan ayatınıñ qoruvı aqqında halqara şartnamesini (SOLAS) bozmağa devam ete", — dep qayd etildi.
Telegram, WhatsApp ve Facebookta Suspilne Qırım haberlerine abune oluñız