Sevastopolnıñ (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adnıñ) işğalli makemesi yerli sakinne "Ukraina mahsus hızmetlerinen işbirligi yapqanı" içün umumiy rejimli tüzetüv müstemlekesinde 5,3 yıllıq ükümini deñiştirmemege qarar aldı.
Rusiye kütleviy haber vastalarınıñ bildirgenine köre, kiçik aynıñ 10-nda Qara deñiz flotunıñ FSB işğalli idaresiniñ matbuat hızmeti bildirdi.
"Makeme" qadını 5,3 yıl apis cezasını çekecek soñ daa bir yılğa azatlıqtan marum etti.
"Rusiye Federatsiyasınıñ vatandaşı, Telegram messencerinen Ukraina mahsus hızmetleriniñ vekillerinen bağlanıp, olarnıñ vazifesine köre, Rusiye Federatsiyası Silâlı quvetleriniñ Sevastopol (Aqyar — terciman) toprağında faaliyetinen bağlı malümat toplap yolladı", — dep müessise bildirdi.
Berim ayınıñ 3-nde Rusiye Federatsiyasınıñ Cinayet qanunnamesiniñ 275.1 maddesine istinaden "makeme" qadınnı 5 yıl ve 3 ayğa maküm etti. Üçünci umumiy yurisdiktsiyalı istinaf makemesi ise bu qararnı deñiştirmedi.
Telegram, WhatsApp ve Facebookta Suspilne Qırım haberlerine abune oluñız