Qara qış ayınıñ 20-nde işğal etilgen Yaltada 2,3 magnitudalı daa bir zelzele oldı. Yerastı sarsıntıları şeerniñ farqlı rayonlarında duyuldı.
"Novosti Krım" RİA, Seysmologiya ve geodinamika institutınıñ müdiriniñ muavini Marına Bondarnıñ malümatına esaslanıp bunı bildirdi.
Zelzele, hususan, Krasnoarmiyska soqağındaki 2-nci Yalta orta mektebi ve Dostoyevskıy soqağı rayonında duyuldı. Yerastı sarsıntıları sebebinden viran etilgen binalar aqqında malümat yoq.
Hatırlatamız ki, qara qış ayınıñ 19-nda işğal etilgen Yaltada eki zelzele qayd etildi. Rihter şkalasına köre 2,8 magnitudalı biri Kıyiv vaqtına köre saat 3:59da oldı. Ekincisi ise kündüz duyuldı. Marına Bondar daa altı tekrarlanğan sarsıntı aqqında haber etti.
Telegram, WhatsApp ve Facebookta Suspilne Qırım haberlerine abune oluñız