İşğal etilgen Qırımda "makeme" Simferopol (AqmescitRusiye imperiyası ve Soviet Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonındaki islâm mektebini qapatmağa qarar aldı. Mektep "Qırım ve Sevastopol (AqyarRusiye imperiyası ve Soviet Birligi tarafından Qırımnıñ meskün yerleriniñ adlarını deñiştirüv islâatından evelki ad) musulmanları diniy idaresi"nden (QMDİ) mustaqil olaraq çalışa edi, resmiy sebebi ise "Habaşizm mefküresiniñ teşviqatı" oldı.
Bunı Ukraina prezidentiniñ Qırım Muhtar Cumhuriyetindeki temsilciligi bildirdi.
Temsilcilikniñ malümatına köre, 2014 senesi yarımadada 2220 diniy teşkilât bar edi, amma 2024 senesi qara qış ayına qadar olarnıñ sayısı 932ge eksildi. Bu eksilüv Rusiye qanunlarınıñ kirsetilmesi ve mustaqil din cemiyetlerine qarşı sistematik basqınıñ neticesidir.
Kreml kontrolindeki müftiyatnıñ malümatına köre, 2023 senesiniñ başında Qırımda onıñ nezaretinde olmağan tek 10 cami bar edi. Bu kibi obyektlerniñ yoq etilmesi işğalli "uquq qorçalayıcı organları"nıñ yardımınen yapıla.
Ukraina prezidentiniñ Qırım Muhtar Cumhuriyetindeki temsilciligi bildirdi ki, tek 2024 senesi qara qış ayında qırımtatarlarnıñ diniy sebeplerden taqip etilüvi boyunca 100-den çoq adise qayd etildi.
Telegram, WhatsApp ve Facebookta Suspilne Qırım haberlerine abune oluñız