2024 senesi işğal etilgen Qırımdan eñ az 29 siyasiy mabüs Rusiyeniñ çeşit apishanelerine etap etildi. Kreml esirleri evlerinden biñlernen kilometrge yollanılalar.
Qara qış ayınıñ 15-nde "QırımSOS" cemaat teşkilâtınıñ talilcisi Yevheniy Yaroşenko bunı bildirdi.
"Bazıları Rusiye SİZOlarından tüzetüv müstemlekelerine ya da apishanelerge etap etildi, bazıları — apishaneden tüzetüv müstemlekelerine etap etildi, anda memuriyetniñ munasebeti sıq-sıq apishanelerden daa sert ola", — dedi o.
Etap etilgen Qırım siyasiy mabüsleri arasında I derece saqatlığı olğan kör Oleksandr Sizikov, em de Volodımır Sakada, Remzi Bekirov, Rayim Ayvazov, Ayder Capparov, Vladlen Abdulkadırov, Eldar Kantimirov ve Osman Arifmemetov bar.
Evden eñ uzaq yerdeki apishanede 19 yılğa üküm etilgen Riza İzetov tutula. "Hizb ut-Tahrir davası"nıñ ekinci Aqmescit gruppasınıñ mabüsi orta küz ayınıñ başında Sah Cumhuriyetiniñ 1-nci apishanesine etap etildi. Bu, onıñ tuvğan Qırımından 9 biñ kilometr uzaqlıqtadır.
Qara qış ayınıñ 21-nde işğalli Krasnogvardiyskıy (QurmanRusiye imperiyası ve Soviet Birligi tarafından Qırımnıñ meskün yerleriniñ adlarını deñiştirüv islâatından evelki ad) rayon makemesi anası Nadiye şikâyetini baqıp çıqacaq. O, oğlunı evine daa yaqın yerge alıp ketmege rica ete. Kanser hastalığı sebebinden 71 yaşında qadın altı yıldır körmegen oğlunı ziyaret etip olamay.
Bundan da ğayrı, talilciniñ malümatına köre, keçken sene işğalciler eñ az 10 Qırım siyasiy mabüsini makeme esnasında iştirak etmek içün Simferopoldaki (AqmescitRusiye imperiyası ve Soviet Birligi tarafından Qırımnıñ meskün yerleriniñ adlarını deñiştirüv islâatından evelki adteki) taqiqat izolâtorından Rostov-na-Donudaki SİZOa etap ettiler.
"Siyasiy sebeplernen bağlı Qırım davalarınıñ qurbanlarını etap etüv, işğal etilgen yarımadanıñ toprağından vatandaşlarnıñ qanunsız sürgün etilmesine teñ kele ve cenk cinayeti sayıla. IV Jenevre şartnamesiniñ 76-ncı maddesine binaen, cinayet işlegeninde qabaatlanğan vatandaşlar "işğal etilgen memlekette bulunmalılar, maküm etilse de, anda cezasını çekmeliler", — dep "QırımSOS" qayd etti.
Bundan da ğayrı, keçken sene bozarğan ayda Avropa insan aqları makemesi (AİAM) "Ukraina Rusiyege qarşı (Qırım boyunca)" davasında Qırım mabüsleriniñ Rusiye Federatsiyasındaki apishanelerge yollanılmasını aile ayatına sayğı aqqını boza, dep qarar çıqardı ve devletni olarnıñ telükesiz qaytmalarını temin etmege mecbur etti.
Aynı zamanda AİAM bir qaç kere qarar berdi ki, adliyecini ana-babasına yaqın olğan apishanege etap etmekten red etüv, şahsiy ve aile ayatına sayğı aqqınıñ bozuluvı ola (Rodzevillo Ukrainağa qarşı, §§ 85-87; Khodorkovskiy ve Lebedev Rusiyege qarşı, §§ 831-851).
Telegram, WhatsApp ve Facebookta Suspilne Qırım haberlerine abune oluñız