2024 senesi ilk qış ayınıñ 29-nda Donetsk vilâyetinde cenk vazifesini becergende Bağçasaraydan 40 yaşındaki ukrainalı Viktor Korol elâk oldı. O, işğal etilgen Qırımnı terk etip, Ukrainağa qol tuttı.
Ostroğ şeer şurası bu aqqında haber berdi.
UOKUkraina Ortodoks Kilsesiniñ Qırım Yeparhiyasınıñ vekili Andriy Şçekun, elâk olğannıñ ailesine taziye bildirdi.
"Viktor Bağçasarayda, Taras Şevçenko adına "Prosvita" Bağçasaray rayon teşkilâtınıñ reisi Yuriy İvanovıç Korolnıñ qorantasında doğdı. Qırımnıñ işğaline qadar qorantası ukrain tasiliniñ ilerilemesi ve yarımadada ukrain cemiyetiniñ aqlarını qorçalavda faal edi", — dep yazdı Şçekun.
2014 senesi Qırımnıñ işğalinden soñ Viktor işğal etilgen yarımadanı terk etip, Ukraina Silâlı quvetleriniñ göñüllisi oldı. O, soñki yıllarını memleketniñ topraq bütünliginiñ qorçalavına bağışladı.
Qoranta, dostlar ve tanışları Viktornı Ukraina oğrunda küreşke büyük isse qoşqan insan olaraq añıp, taziye bildireler.
Telegram, WhatsApp ve Facebookta Suspilne Qırım haberlerine abune oluñız