Qırımtatar maaliy merkeziniñ uquq qorçalayıcıları, Rusiye müstemlekelerinde cezalarını çekken 177 Qırım siyasiy mabüsi aqqında bildirdi. Olardan 108-i — tamır qırımtatar halqınıñ vekilleri.
QMMniñ saytında bu aqqında haber berildi.
Bundan da ğayrı, Merkezde 371 siyasiy mabüs qayd etildi ve Qırımnıñ işğali vaqtında cinaiy "davalar" boyunca taqip etildi, olardan 229-ı — qırımtatar halqınıñ vekilleri. Bu kategoriya, taqip etilgenniñ statusına köre 5 ast kategoriyadan ibaret:
- maküm etilgenler ve müstemlekede ceza çekkenler (177, 108-i — qırımtatarlar);
- sıñırlav ya da sınav müddetini alğan (49, 25-i — qırımtatarlar);
- SİZOda bulunğanlar (54, 33-ü — qırımtatarlar);
- azat etilgenler (57, 35-i — qırımtatarlar);
- taqip etilgenler (34, 28-i — qırımtatarlar).
Telegram, WhatsApp ve Facebookta Suspilne Qırım haberlerine abune oluñız