Qırımdaki İşğalli Rusiye Yuqarı makemesi ''Kıyiv rayon makemesi''niñ Rusiye ordusınıñ itibarını tüşürüv maddesineMemuriy bozmalar qanunnamesiniñ 20.3.3-nci maddesiniñ 1-nci qısmı binaen uquqçı Rustem Kâmilevge para cezası ükümini amelde qaldırdı.
"Qırım birdemligi"ne Rustem Kâmilev özü bunı bildirdi.
O qayd etti ki, makeme onı 50 biñ rubleaman-aman 21 biñ ğrıvnâ para cezasını ödemege mecbur etti, onı Rusiye ordusınıñ "areketlerine qarşı çıqqanı"nda qabaatlı tanıdı. Aynı zamanda memuriy davanıñ sebebi Ğrığoriy Yavlınskıynıñ 2017 senesi videosınıñ repostı oldı.
Videoda siyasetşınas Suriye ve Ukrainadaki vaqialar "Rusiye içün on yıl, belki de asır devamında unutılmaycaq bir ahlâqiy felâket" olğanını ayta.
Makeme oturışında advokatnıñ imayecisi, video Rusiye ordusını "itibardan tüşürgeni" içün mesüliyetke çekilmezden evel derc etilgenini bildirdi. Amma makeme bu delilge emiyet bermedi. O, Kâmilevniñ video paylaşuvında "itibardan tüşürüv" alâmetleriniñ bar olğanını tasdıqlağan makeme ekspertizasınıñ neticelerini de taqdim etmedi.
"Birinci ve ekinci instantsiya makemeleriniñ qararları protokol tizgen vekâletli Filatovnıñ menim areketlerim [video repostım] itibardan tüşürmek maqsadınen yapılğan areketler olğanını qayd etkenine esaslana. Bu, memuriy mesüliyetke çekmek içün qanunsız bir sebep olğanını tüşünemiz", — dep qayd etti advokat Kâmilev.
Bundan ğayrı, imayeciniñ qayd etkenine köre, birinci instantsiya makemesiniñ soñki qararı "qaba bir hata"ğa yol berdi. Hususan, vesiqada Kâmilevniñ soyadı degil de, Appazov yazılğan edi. Makeme yalıñız bu qısmını tüzetmege razı oldı.
Kâmilevniñ aytqanına köre, oturış devamında makemeci Dâçenko imayecige "peşin fikirnen yanaşqan edi".
"Men advokat Kurbedinovnıñ şikâyet arizasını telefonda baqqanda, o şunı dedi: "Men makemege sayğısızlıq kösterem. Men, şikâyet arizamnıñ kâğıt şeklinde olmağanını ve onı telefondan oquğanımnı añlattım, amma makemeci bunı begenmedi. Bundan da ğayrı, bizler Ğrığoriy Yavlınskıynıñ videosınıñ repostı olğanını aytqanda, makemeci bizni qaba şekilde toqtattı. Bu videoğa menim ifadelerim, ilâvelerim, izaatlarım yoq edi, şunıñ içün [işlerimde] qanunsızlıq yoq dep qayd ettik", — dep qoştı advokat.
Telegram, WhatsApp ve Facebookta Suspilne Qırım haberlerine abune oluñız