İşğal etilgen Qırımda "Qırım" gazetasınıñ baş muarriri ve tesisçisi para cezasını aldı. Bunıñ sebebi sovet dissidenti Lüdmıla Alekseyeva aqqında yazılğan malümat oldı. Bundan ğayrı, "Roskomnadzor" gazetanıñ hadimlerini, "çetel agentleri" olaraq qayd etmeden, "Amerika Sesi" ve "Radio Svoboda" aqqında malümat derc etüvde qabaatladı.
"Gratı" neşiri bu aqqında yazdı.
O qayd etti ki, ilk qış ayınıñ 12-de Aqmescitniñ (Simferopolnıñ) işğalli Demiryol makemesi gazetanıñ baş muarriri Bekir Mamutovnı "malümat serbestliginiñ suistimali" maddesiRFniñ MBQniñ 13.15-nci maddesiniñ 2.1-nci qısmı içün tahminen 1600 ğrıvnâ para cezasını berdi.
"Memuriy davanıñ sebebi, muarririyetniñ 2023 senesi orta küz ayınıñ 26-nda derc etken gazetanıñ saytındaki maqalesiniñ skrinşotı oldı. O, sovet dissidenti ve uquq qorçalayıcısı Lüdmıla Alekseyeva aqqında yazılğan edi. 2019 senesi Rusiye Adalet nazirligi Alekseyeva tarafından qurulğan "Azatlarnıñ aqlarını qorçalav" fondunı "çetel agentleri" cedveline kirsetti", — dep yazdı neşir.
Amma bu sene ilk küz ayında "Roskomnadzor" "Qırım" hadimlerini "Amerikanıñ sesi" ve "Radio Svoboda"ğa nisbeten malümat derc etüvde qabaatladı. Neşir olarnıñ "çetel agentleri" statusını qayd etmedi. Bu, "malümat serbestliginiñ suistimali" maddesine köre para cezasını berdi.
Telegram, WhatsApp ve Facebookta Suspilne Qırım haberlerine abune oluñız