Keriç boğazı yanında "Vologneft 212" ve "Vologneft 239" eki rusiye gemisi bata. Bir geminiñ kenarında ekipajnıñ 13 azası buluna, başqasınıñ kenarında ise – 14. Vaqia olunğan yerine RF fevqulâde vaqialar boyunca nazirliginiñ helikopteri uçıp çıqqan.
Bunıñ aqqında "İnterfaks" rusiye agentligi bildire.
Tankerlerden biri, yalıdan sekiz kilometr mesafesinde bulunğanını qayd ettiler. Onıñ kenarında – mazutnıñ dört biñ tonnası bar. Başqa geminiñ yükü belli degil. Evelden, vaqianıñ sebebi furtuna olğan.
Aynı zamanda işğal FVN, vaqia olğan yerine helikopter ve qurtarıcı buksirni yollağan.
"Keriç boğazında furtunası içün "Volognafta 212" gemisi bozulğan. Ekipaj, yardımına çağırğan. Gemide yermay bar olğanı belli, tokülüvi aqqında malümatı sorap bildirile. "Krım-Spas" qurtarıcılarnen Rusiye FVN Mi-8, qayd etigen yerine uçıp çıqtılar. Qamış-Burun keriç körfezinden Deñiz qurtarıcı koordinatsiya merkeziniñ "merkuriy" buksiri çıqqan", – haber ettiler Rusiye FVN-niñ matbuat hızmetinde.
Rusiye Telegram-kanallarında gemilerden biri eki parçasına bölüngeni aqqında bildireler.
Keççe Rusiye FVN, "Vologneft 212" tankeri bozulıp saylıqqa oturğanını, "Vologneft 239" ise – alınğan bozuluvlardan dreyfke "yatqanını" haber etken.
"Vologneft 212" tankerden 13 insannı qurtadılar, deñizcilerden biri elâk oldı.
Telegram, WhatsApp ve Facebookta Suspilne Qırım haberlerine abune oluñız