Bu sene ukrain uquq qorçayıcıları vaqtınca işğal etilgen Qırımda apishanelerde tutulğan ya da tutulıp azat etilgen siyasiy ve diniy sebeplerden taqip etilgen 95 yañı qurbannı qayd ettiler.
İlk qış ayınıñ 10-nda Qırım uquq qorçalayıcı gruppası bu aqqında haber etti.
Bundan ğayrı, 2024 senesiniñ üç kvartalında uquq qorçalayıcılar "Rusiye ordusını itibardan tüşürüv" siyasiy sebeplerinen bağlı memuriy davalarda 300-den çoq makeme qararı çıqarılğanını bildirdiler
QUQG, insan aqları bozuluvınen bağlı 150-den çoq makeme oturışı aqqında bildirdi. Olar siyasiy mabüslerniñ köçürilüvini ya da mecburiy psihiatrik ekspertizağa yollanılmasını qayd eteler.
Bundan ğayrı, ukrainlerniñ genotsidine çağıruv ve Ukrainağa qarşı istilâ cenki alıp baruv davalarında 151 şübeli aqqında malümat toplandı. Bu kibi çağıruvlar 445 kere qayd etildi.
Aynı zamanda uquq qorçalayıcılar, qabaatlılarnı mesüliyetke çekmek maqsadınen Rusiye işğalli akimiyetiniñ Qırım sakinleriniñ taqip etilmesinde qabaatlı olğanına dair delillerni toplaylar.
"QUQGnıñ bazasında Ukraina vatandaşlarına qarşı siyasiy sebeplerden makeme esnaslarında iştirak etken eñ az 620 Qırım ve Rusiye makemesi, em de Rusiye quvet strukturalarınıñ 220 temsilcisi aqqında malümat bar, olar aqqında QUQGnıñ malümatı ve delilleri bar", — dep uquq qoruyıcılar bildirdiler.
Telegram, WhatsApp ve Facebookta Suspilne Qırım haberlerine abune oluñız