Ukraina havfsızlıq hızmeti, vaqtınca işğal etilgen Ukrainanıñ cenübinde sahte haberler ağı teşkil etken teşviqatçınıñ şübeli olğanını bildirdi.
İlk qış ayınıñ 6-nda Qırım Muhtar Cumhuriyeti ve Sevasatopol (Aqyar) şeeriniñ prokurorlığı bu aqqında haber etti.
Taqiqatnıñ malümatına köre, qadın 2019 senesinden berli Kremlniñ malümat siyasetini yerine ketire. O, "Qırım" işğalli teleradiokompaniyasınıñ baş muarririyetiniñ muarririyeti vazifesini eda ete, ukrain topraqlarınıñ işğaline aqlağan ve ukrain arbiylerini itibardan tüşürgen teşviqat kontentiniñ azırlanuvı ve tarqatuvı boyunca işni teşkil ete.
2022 senesi şübeli "Qırım" teleradiokompaniyasınıñ Rusiye kütleviy haber vastalarınıñ vaqtınca işğal etilgen Herson vilâyetinde yayınlavına bağışlanğan teşviqat programmasında iştirak etti, anda istilâcı devlet ve onıñ işğalci memuriyetine qol tutqanını bildirdi.
Toplanğan delillerge esaslanıp, qadınnı kollaboratsiya faaliyetiUkraina CQniñ 111-1. maddesiniñ 6-ncı qısmınde haber faaliyetini kerçekleştirgeninde ve Rusiye Federatsiyasınıñ Ukrainağa qarşı silâlı tecavuzını aqlağanındaUkraina Cinayet Qanunnamesiniñ 436-2. maddesiniñ 3-nci qımsı ve red etkeninde şübeli saydılar.
Oña 12 senege qadar azatlıqtan marum etüv cezası berilecek, mal-mülki müsadere etilecek ve 15 senege qadar belli bir faaliyetnen oğraşmaq aqqından marum etilecek.
Qırım MC ve Aqyar şeeriniñ prokurorlığı Suspilne Qırımğa añlattı ki, qabatalanğan adam olmadan mahsus makeme oturışları ("ğıyabiy ükümler") neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana. Aynı zamanda adam tutulğan vaqıttan berli ceza müddeti başlap sayıla.
Telegram ve Facebookta Suspilne Qırım haberlerine abune oluñız