İşğal etilgen Qırımda Keriç köpründe yol areketi toqtatılğan beş saat keçken soñ ğayrıdan başlandı. İlk qış ayınıñ 6-nda Moskva vaqtınen 5:17-de yolnı qapattılar.
Köpürniñ avtoyürüşlerinde vaziyetni haber etken Telegram kanalı bunı bildirdi.
Rusiye Mudafaa nazirliginiñ malümatına köre, Qara deñizde areket toqtatuv vaqtında altı ukrain pilotsız katerini yoq ettiler. Nazirlikniñ bildirgenine köre, gemilerniñ bölgede obyektlerge ücüm etmege ıntıluvları bar edi.
Ukraina tarafından bu beyanatlarğa dair resmiy izaat daa berilmedi.
Hatırlatamız ki, ilk qış ayınıñ 6-nda saba Keriçte 10-20 daqqa aralığında üç patlama duyuldı. Birincilerniñ ekisi maqsatqa urğan kibi duyuldı, birisi ise, Ava mudafaası sistemasınıñ işine beñzey. Birinci patlama yerli vaqıtnen saba saat 7-de yüz berdi. Olarnı Keriç köpründen ve "Zalıv" zavodından eşite ediler. Qırım.Aqiqat öz menbalarına esaslanıp bunı bildirdi.
Telegram, WhatsApp ve Facebookta Suspilne Qırım haberlerine abune oluñız