"Açuvlı Mavka" qadınlarnıñ muqavemet areketi vaqtınca işğal etilgen topraqlardaki balalarğa bahşışlarnı azırlap berdi. Melitopol, Simferopol (Aqmescit) ve Donetskte Aziz Mıkolay Kününe simvolik bayram ruhu peyda oldı. Bu areket iştirakçileri işğalcilerge ukrain toprağında bulunğanlarını, yerli sakinlerge ise ukrain ananelerini hatırlatmaq istey ediler.
İlk qış ayınıñ 6-nda areket öz Telegram kanalında bunı bildirdi.
"Mavkalarımız balalar içün tatlı bahşışlarnı azırladılar, ve yalıñız, olarnı tek almağa beklegenler içün degil. Bu qıyın vaqıtlarda yüreklerdeki sıcaqlıqnı saqlap qalmaq ve mucizelerge inanmaq müimdir", - dep bildirildi.
"Açuvlı Mavk" temsilcisi Suspilne Qırımğa, vaqtınca işğal etilgen topraqlarda rusiyeliler Aziz Mıkolay Kününi lâğu etkenini qayd etti. Onıñ aytqanına köre, mekteplerde balalarğa böyle bir bayram olmağanını aytalar. İşğalcilerniñ böyle areketleriniñ maqsadı - bütün ukrainlikni yoq etmek, dep qoştı o.
Faaliyetçi şunı añlattı ki, bu sebepten areket bu aktsiya ile olar Ukrainada olğanını ve yerli sakinlerge ukrain ananeleri aqqında hatırlatmağa qarar aldı. Bu kibi tedbirni "Açuvlı Mavka" küzde qabaqlarnen keçire ediler.
"Bu sebepten biz balalar ve büyüklerge Mıkolay aqqında hatırlatmağa istedik, çünki, ümüt etem ki, biri bizim hediyelerimizni tapıp, tebessüm etecek. İşğalcilerni de unutmadıq, elbette. Amma olar yaramay edi, şunıñ içün Mıkolay olarğa çöplük paketlerini berdi", - dep qayd etti qadınlarnıñ narazılıq areketiniñ vekili.
Telegram, WhatsApp ve Facebookta Suspilne Qırım haberlerine abune oluñız