Azerbaycan paytahtında — Baku şeerinde "Ukrain medeniyetiniñ yañı sıñırları" medeniy levhanıñ çerçivelerinde "Ukrain kinonıñ künleri" keçe. Tedbirler sırasını qırımtatar asılı olğan rejissör Nariman Aliyevniñ "Dodomu" ("Evge") filmniñ seyir etüvinen başlağanlar.
Bunı boş aynıñ 30 Ukraina medeniye ve strategik uzlaşuvlar nazirligi Facebook saifesinde bildirdi.
Bakuda "Dodomu" filmni filmde baş rollerden biriniñ icra etici, ukrain rejissör ve aktöri Ahtem Seitablayev taqdim etken.
"Bu kino, hususiyetlik, vatannen bağ ve öz tamırlarını saqlamağa ne qadar müim olğını aqqındadır", — qayd etti Seitablayev.
Daa tedbirde "Zolota Dziga" ("Altın maymul") ukrain kino mukâfatınıñ taqdim etüvi olıp keçken. Ukraina kinematografçılarnıñ Milliy ortaqlıqnıñ başı Sergey Borodenük, azerbaycan rejissör ve aktöri Novruz Paşayevni "Lâ Palisiada" filmindeki rolü içün mukâfatlandırdı.
Bakuda "Ukrain kino künleri" ilk qış aynıñ 1 qadar sürecekler.
Hatırlatayıq ki, Nariman Aliyevniñ "Dodomu" dramatik filmi, babasınen oğlusı aqqında ikâyesidir. Filmniñ qaramanı, qırım tatarı Mustafa, Qırımğa kiçkene oğlusını ve Donbasstaki cenkte can bergen büyük oğlunıñ bedenini alıp kete.
Baş rollerde Remzi Bilâlov ve Ahtem Seitablayevnen kino şeritini ilk sefer "Ayrı bir baqış" programmasında 72-ci Kannadaki kinofestivalinde köstergenler. 2019 senesi onı ecnebiy tilinde eñ yahşı filmi kibi Ukraina tarafından "Oskar"-ğa milliy namzeti olaraq teklif etken ediler.
Telegram, WhatsApp ve Facebookta Suspilne Qırım haberlerine abune oluñız