İşğal etilgen Aqyarda boş aynıñ 20-nci sabası beş qatlı ev yanğınğa oğradı. Ekinci qattan beşinci qatqa qadar balkonlar yana. Bir insan elâk oldı.
Rusiye Fevqulâde vaziyetler nazirligi Telegram kanalında bu aqqında haber etti.
Yanğın Hrystalöva soqağı, 17 adresi boyunca çıqtı. Binadan 23 insan tahliye etildi. İşğal etilgen Aqyar fevqulâde vaziyetler nazirligi, olarnıñ arasında bir bala bar, dep bildirdi.
Şeerniñ işğalli prokurorlığı, yanğın sebebini ögrengenini bildirdi.
Aqyar şeeriniñ "gubernatorı" Mihail Razvojayev Telegramda haber etkenine köre, yanğın neticesinde bir yaşlı adam elâk oldı.
Daa soñra işğal etilgen Aqyar fevqulâde vaziyetler nazirligi, yaralanğan qadın hastahanege alındı, dep añlattı. Yanğınnıñ meydanlığı 200 kvadrat metrni teşkil ete. Yedi daire ve çatı zarar kördi.
Telegram, WhatsApp ve Facebookta Suspilne Qırım haberlerine abune oluñız