"Ateş" partizan areketiniñ bildirgenine köre, Rusiye askerleri işğal etilgen Kezlevniñ yalı boyu sıñırlarını faalca ve toqtamayıp çuqur, ateş noqtaları ve qamaçav noqtalarınen pekiteler.
"Ateş" Telegram kanalında bu aqqında haber etti.
"İşğalciler Kezlev yalısı boyunca okoplarnı faalca qazalar, USQniñ ücümini bekleyler. "ATEŞ" agentleri yalı kenarını qaza, ateş noqtaları ve qamaçav noqtalarınen pekitmege devam etkenlerini qayd eteler. Bu işke celp etilgen hadimlerniñ sayısı ep arta", - dep bildirildi.
Bundan ğayrı, partizanlar, Qırımdan arbiy hızmetçilerniñ bir qısmı, hususan, Rusiyeniñ Kursk vilâyetine ketirile, dep iddia eteler. Şunıñ içün işğalciler, mudafaa qurulışlarındaki işler ve nevbetçiliklerge añlaşma imzalağanlarnı celp eteler.
Telegram, WhatsApp ve Facebookta Suspilne Qırım haberlerine abune oluñız