Google Translatete qırımtatar tiline latin urufatınen tercime etmek mümkün oldı. Evelleri tek transliteratsiyanen tercime bar edi.
Qırımtatar Milliy Meclisiniñ reisi Refat Çubarov Facebookta bunı bildirdi.
"Google qırımtatar tilini latin urufatınen tercime etkenini episiñiz kördiñizmi?", — dep yazdı o.
Çubarovnıñ qayd etkenine köre, tercimeniñ latin ve kiril urufatı kibi eki variantını saylamaq mümkün.
"Qullanıñız, özüñiz ögreniñiz ve Google Translatni eyileştirmege yardım etiñiz", — dep yekünledi o.
Hatırlatamız, ki Google şirketi bozarğan aynıñ 27-nde tercime hızmetinde tiller cedvelini kenişletkenini bildirdi. Cedvelge 110 yañı til qoşmağa başladılar. Olarnıñ arasında Google Translatete mevcut olğan qırımtatarca peyda oldı. Ukraina ükümeti 2020 senesi hızmetke qırımtatar tilini qoşmaq teklifinen muracaat etti.
Telegram, WhatsApp ve Facebookta Suspilne Qırım haberlerine abune oluñız