Qırımnıñ işğali devrinde 362 siyasiy mabüs ve taqip etilgen şahıs qayd etildi, olardan 226-sı – qırımtatar halqınıñ vekilleri.
Böyle malümatnı Qırımtatar Maaliy Merkezi (QMM) derc etti.
QMMnıñ saytında yañartılğan Kreml mabüsleri aqqında malümatnı "Qırımnıñ işğaliniñ fedaları" diagrammasında baqmaq mümkün.
Qırımtatar Maaliy Merkezi siyasiy mabüslerni ve taqip etilgenlerni beş kategoriyağa bölüne:
- Maküm etilgen ve müstemlekede ceza çekkenler: 171 insan, olardan 104-ü — qırımtatar;
- Sıñırlav ya da sınav müddeti olğanlar: 48 insan, olardan 25-i —qırımtatar;
- SİZOda tutulğanlar: 52 insan, olardan 34-ü — qırımtatar;
- Azat etilgenler: 57 insan, olardan 35-i — qırımtatar;
- 34 insan taqip etile, olardan 28-i — qırımtatar.
Bu statistika işğal etilgen yarımadada siyasiy mabüslerniñ çoqusı olğan qırımtatarlarğa qarşı yapılğan taqiplerni köstere.
Telegram, WhatsApp ve Facebookta Suspilne Qırım haberlerine abune oluñız