Rusiyeliler tarafından teşkil etilgen "Qırım federal universiteti"nde talebeler ve ocalarnıñ saifelerinde "yasaqlanğan timsaller"ni tapqan programma işlep çıqarıldı.
Aqmescitteki "Sarı şerit" areketiniñ faalcisi bunı bildirdi.
Qayd etilgenine köre, em de suniy zekâ aletleri sarı-mavı ve qırmızı-qara bayraqlarnı tanıy.
"Bizim universitetimizde bazı student ve ocalarğa içtimaiy ağlarda uquq bozuluvlarını qıdırmaq içün suniy zekâ yardımını berdiler. Universitetten çıqarılğan bir adamnı bilem, onı ukrain tarafdarı dep saydılar" — dep faalci añlattı.
Telegram ve Facebookta Suspilne Qırım haberlerine abune oluñız